Video
Read full review
2025-08-21
0 views
純粹路過商場，被呢間新韓式餐廳個名同logo啲卡通公仔吸引咗，覺得啲表情好生鬼有趣，望入去見啲裝修都唔錯，有韓國懷舊海報幾搶眼，諗住試下啲嘢食夠唔夠地道Cheese Fried Chicken Tteokbokki Pot ~ YDB Signature Sauce《炸雞芝士瀑布年糕鍋・YDB招牌醬》・睇餐牌呢個應該係店其中一個招牌菜，此餐廳喺韓國係數一數二嘅年糕鍋專門店。醬汁有5款可揀，要咗甜中帶少辣嘅“YDB招牌醬”。上枱時所有材料均已熟，待再次滾起就食得首先佢個芝士真係好似瀑布咁多、拉到勁長勁多絲，mozzarella cheese個味道okay濃炸雞塊都唔少，雖然浸喺汁度但個外皮仍然食到脆邊，個炸粉亦唔會過厚，食到啖啖雞肉都juicy唔會乾爭爭，而且調味好好，真係好食㗎年糕亦係超長、號稱35cm咁長，口感係煙韌好好𡁻、唔會硬掘掘好似未煮透咁，咀嚼控會感到過癮！其餘配料都豐富，有大大隻炸餃子鵪鶉蛋用大蔥圍住，好似個雀巢咁得意仲有拉麵同椰菜食完有一秒置身韓國嘅感覺，因為整體味道係有水準，尤其個甜辣醬充滿韓食風格Jeju Mandarin Orange Ade濟州蜜柑梳打・飲品都無h
Cheese Fried Chicken Tteokbokki Pot ~ YDB Signature Sauce
《炸雞芝士瀑布年糕鍋・YDB招牌醬》
・睇餐牌呢個應該係店其中一個招牌菜，此餐廳喺韓國係數一數二嘅年糕鍋專門店。醬汁有5款可揀，要咗甜中帶少辣嘅“YDB招牌醬”。上枱時所有材料均已熟，待再次滾起就食得
首先佢個芝士真係好似瀑布咁多、拉到勁長勁多絲，mozzarella cheese個味道okay濃
炸雞塊都唔少，雖然浸喺汁度但個外皮仍然食到脆邊，個炸粉亦唔會過厚，食到啖啖雞肉都juicy唔會乾爭爭，而且調味好好，真係好食㗎
年糕亦係超長、號稱35cm咁長，口感係煙韌好好𡁻、唔會硬掘掘好似未煮透咁，咀嚼控會感到過癮！
其餘配料都豐富，有大大隻炸餃子
鵪鶉蛋用大蔥圍住，好似個雀巢咁得意
仲有拉麵同椰菜
食完有一秒置身韓國嘅感覺，因為整體味道係有水準，尤其個甜辣醬充滿韓食風格
Jeju Mandarin Orange Ade
濟州蜜柑梳打
・飲品都無hea，底部嘅蜜柑醬香甜清新，裡面有細碎的柑皮充滿果香，溝埋一齊好飲
*服務都唔錯，店長/職員會詳細介紹食物和食法。論論盡盡嘅我打瀉飲品，職員即刻好快手咁清理現場收拾殘局、要比讚
Post
