Mango Mania (Closed)

一向都好鍾意食芒果，特登上網搵左呢間好評眾多既Mango Mania，今日行左成日街，坐低歎返個甜品就岩哂~來自泰國過江龍甜品店，主打芒果甜品，選用泰國水仙芒，特別香甜多汁。芒果冰磚一上枱我同朋友仔都嘩左出聲，賣相好靚，成座芒果山咁，勁吸引。面頭有大大球香甜柔滑既芒果雪糕，芒果肉爽甜大粒好有咬口，冰磚即刨冰，創新花奶口味，刨冰好軟綿，入口即溶，仲有溫熱糯米飯，香Q帶嚼勁。超級芒果狂熱有齊多款芒果甜品，芒果迷必點!芒果布甸奶香濃郁，口感嫩滑、芒果雪糕細膩清甜，芒果味十足~半個切花芒果賣相精緻，香甜多汁，食埋煙韌黏身迷你糯米飯，真係勁滿足!