Mango Mania (Closed)

肥妹仔食完一餐好滿意嘅好滿足嘅父親節晚餐之後，梗係未夠喉啦！於是就試埋佢哋隔離呢一間專食芒果甜品嘅甜品餐廳。芒果糯米飯$68擺設非常精美，有兩塊芒果同埋兩舊芒果糯米飯，仲配上芒果汁同椰汁。芒果糯米飯煮得比較硬身少少，如果在淋多啲就非常好。撈埋椰汁同芒果汁食落去超級香甜，超濃芒果味。芒果唔使講，係佢哋嘅王牌，超甜，一啲渣都冇。熱情冰磚$68另外肥妹仔都好想試吓佢哋呢一度嘅冰。本身肥妹仔以為呢啲係普通冰，點知原來係牛奶冰，超濃嘅牛奶味！呢個牛奶冰真係超級好食。