Video
Read full review
2020-12-06
7310 views
早排去了元朗做Facial，做完就周圍揾人氣小店食Lunch。呢間台灣餐飯人氣超強勁，門口除了有一堆人等入座，仲有人等外賣。Menu上有招牌套餐，我今次就試咗「3號綜合丸湯餐」。60蚊已經有個魯肉飯、綜合丸湯，同埋一杯野飲。魯肉飯10分我比9分，魯肉碎唔少，仲有魯肉汁拌飯，每啖飯都有濃郁的香味！綜合丸湯平時餐廳飲到的差唔多，讚的係三粒丸都係大大粒。見到呢個Menu，你見到D咩？係芋泥吐司呀！！！手作芋泥吐司有3款揀，除了有肉鬆芋吐司、Oreo紫薯泥，仲有我點的芋見紫薯。每份吐司有厚厚的的芋泥同埋紫薯泥，咬落去口感好軟滑，而且滿滿的香味，極推薦！係餐廳幾乎每枱都叫芋丸，所以我決定都叫碗試試。餐廳有齊冷熱芋丸，我今次叫了碗仙草芋丸2號。入面的的料超級豐富的，除了有涼粉外，仲有三色芋丸、白色小丸子，同埋海藻水晶。芋丸非常彈牙，如果住係附近，可以買外賣返屋企食就好啦。我自己鍾意飲無汽的飲品，所以我就飲了冬瓜茶。而朋友仔就叫咗杯檸檬蘋果西打，雖然呢杯無得跟餐，不過勝在大大杯，又夠解渴。==============================鍾意我分享的，我邀請你訂閲我的食評，我會繼續與大家繼
Menu上有招牌套餐，我今次就試咗「3號綜合丸湯餐」。60蚊已經有個魯肉飯、綜合丸湯，同埋一杯野飲。
魯肉飯10分我比9分，魯肉碎唔少，仲有魯肉汁拌飯，每啖飯都有濃郁的香味！
綜合丸湯平時餐廳飲到的差唔多，讚的係三粒丸都係大大粒。
見到呢個Menu，你見到D咩？
係芋泥吐司呀！！！
手作芋泥吐司有3款揀，除了有肉鬆芋吐司、Oreo紫薯泥，仲有我點的芋見紫薯。
每份吐司有厚厚的的芋泥同埋紫薯泥，咬落去口感好軟滑，而且滿滿的香味，極推薦！
係餐廳幾乎每枱都叫芋丸，所以我決定都叫碗試試。餐廳有齊冷熱芋丸，我今次叫了碗仙草芋丸2號。
入面的的料超級豐富的，除了有涼粉外，仲有三色芋丸、白色小丸子，同埋海藻水晶。
芋丸非常彈牙，如果住係附近，可以買外賣返屋企食就好啦。
我自己鍾意飲無汽的飲品，所以我就飲了冬瓜茶。而朋友仔就叫咗杯檸檬蘋果西打，雖然呢杯無得跟餐，不過勝在大大杯，又夠解渴。
==============================
鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
Post
