Potluck Eatery

黎過幾次覺得環境氣氛同味道都好唔錯，不時都會同朋友再黎。炭燒美國安格斯肉眼燒得好好，五成熟都冇乜血水，除咗有炭燒香味之外本身牛味都好濃，肉質軟腍，媲美正宗扒房嘅出品。 鍾意配菜有幾大片櫛瓜、秋葵同薯仔，好fresh。芝士菠菜龍蝦蟹肉意粉卷估唔到係好似蛋卷咁嘅卷法，除咗面頭嘅龍蝦鉗之外，意粉入面就係滿滿嘅蟹肉同龍蝦肉，足料到爆，物有所值。 尤其鍾意龍蝦鉗用咗天婦羅嘅做法，外皮好薄，鮮味濃郁。明太子薯條新鮮炸起香噴噴，外脆內軟，薯味好香，就算攤凍咗都食唔停口咁好味。 明太子醬都幾惹味，但薯條本身比佢更突出，鍾意重口味嘅可能揀黑松露醬會啱啲。不得不提最後佢個荔枝味雪糕好impress到我，係好天然自家製嘅味道，必叫。