SP Dance (Closed)

適逢姨姨壽辰，記得佢曾經講過話未收過姨丈送花，嘻嘻，今年就由XO仔送個花花造型蛋糕作賀禮。一心諗住繼續支持「Make It」，點知去訂蛋糕時竟被告知店子已不再售賣蛋糕，小肥唯有另覓蛋糕店，結果就喺利東街發現咗「SP Dance」。小店粉色嘅門面感覺清麗脫俗，但就唔係咁起眼，故路經多次都未有留意其存在。因為店名中冇「西餅」或「糕點」等嘅字眼，要用心探索先會望多兩眼入個櫥窗，繼而睇到陳列出嘅花型蛋糕。細問下得知店舖以花及茶作靈感主材，並將其融入「單純（Simple）」及「喜悅（Pleasure）」之生活美學，有意思極！唔怪得知店內嘅精品、禮盒、糕品全部都同花及茶有關，喺店內逗留片刻，感覺舒適寧神之餘，仲好自癒。XO仔眼中嘅姨姨高雅大方，發放出嘅都係粉紅色嘅甜蜜電波，所以就訂咗個連名都冧過人嘅「Love Garden」（$258/四吋）襯托一番；四人限聚令下，四吋蛋糕就最恰當。「Love Garden」外觀精緻高貴，大大朵粉紅玫瑰及滿天星彷彿在戀愛花園內舞動，實在美妙！粉白柔滑嘅忌廉下有三層黑糖雪芳蛋糕，夾入荔枝慕絲及紫紅色嘅番石榴啫喱，入口清香微甜，十分輕盈，糕身其實算好鬆彈，個人只係略嫌