Video
Read full review
2022-08-20
3438 views
話說我媽媽食嘢一定會先睇價錢，有時明明想食但見到價錢太貴覺得唔抵就唔叫，為免呢個情況發生，我決定帶佢去食點心放題，任叫唔嬲✌🏻。今次帶爸爸媽媽嚟龍逸軒，主要係因為環境同食物質素有一定嘅保證😆。網上大部分評價都唔差，加上事前有點心紙睇，見到選擇都算多，最緊要係有兩老啱食嘅食物。首先每人入座都會有一粒鮑魚燒賣，不過只限點一次，想繼續食燒賣嘅話就要嗌鵪鶉蛋燒賣，對於我呢啲鐘意食蝦燒賣嘅人嘅講就會覺得唔夠喉🥺。🥗前菜小碟：首要推薦鎮江肴肉，層次分明鹹淡適中，點埋醋啱啱好。貢菜海蜇都可以一試，海蜇切得比較厚，口感更彈牙爽脆。🥟點心：剛剛提過嘅鵪鶉蛋燒賣其實都唔差，屋企人encore咗幾次。我自己就最鐘意沙律醬蝦多士😍，雖然煎炸嘢點都有啲油，但塊多士真係好香好脆，蝦味十足。另外蝦餃、排骨、鮮蝦腐皮卷、鹹水角都係水平之上，特別係蝦餃，都幾大粒同爽脆。不過有兩款點心令我幾失望☹️，首先係芝麻卷，味道好淡冇芝麻香，連甜味都冇乜，仲有XO醬炒腸粉XO醬落得唔夠，淡味左啲。🥭甜品：雪糕同其他蛋糕要行過隔離嘅自助餐自己拎。餐牌上嘅甜品我地叫咗陳皮紅豆沙同埋燕麥香芒卷（其實即係芒果糯米糍），不幸地我哋嘅芒果卷非常
今次帶爸爸媽媽嚟龍逸軒，主要係因為環境同食物質素有一定嘅保證😆。網上大部分評價都唔差，加上事前有點心紙睇，見到選擇都算多，最緊要係有兩老啱食嘅食物。
首先每人入座都會有一粒鮑魚燒賣，不過只限點一次，想繼續食燒賣嘅話就要嗌鵪鶉蛋燒賣，對於我呢啲鐘意食蝦燒賣嘅人嘅講就會覺得唔夠喉🥺。
🥗前菜小碟：
首要推薦鎮江肴肉，層次分明鹹淡適中，點埋醋啱啱好。貢菜海蜇都可以一試，海蜇切得比較厚，口感更彈牙爽脆。
🥟點心：
剛剛提過嘅鵪鶉蛋燒賣其實都唔差，屋企人encore咗幾次。我自己就最鐘意沙律醬蝦多士😍，雖然煎炸嘢點都有啲油，但塊多士真係好香好脆，蝦味十足。另外蝦餃、排骨、鮮蝦腐皮卷、鹹水角都係水平之上，特別係蝦餃，都幾大粒同爽脆。
不過有兩款點心令我幾失望☹️，首先係芝麻卷，味道好淡冇芝麻香，連甜味都冇乜，仲有XO醬炒腸粉XO醬落得唔夠，淡味左啲。
🥭甜品：
雪糕同其他蛋糕要行過隔離嘅自助餐自己拎。餐牌上嘅甜品我地叫咗陳皮紅豆沙同埋燕麥香芒卷（其實即係芒果糯米糍），不幸地我哋嘅芒果卷非常酸😖，酸到難以入口，但紅豆沙係OK的。
食到咁上下其實啲單都開始亂，我地去完自助餐個邊拎完甜品返嚟見到，原來嘅兩碗湯無啦啦嚟六碗，瘦肉粥又一變二，我地唔想哂野所以都盡量食（因為疫情關係上咗枱嘅食物唔會再比其他人），但清到最後竟然嚟咗兩個櫻花蝦炒飯，即刻截住叫侍應拎返一個走😂。
價錢方面，早前見到係kkday預訂價錢為$290一位，不過依加九龍酒店變咗檢疫酒店，最快都要11月先再開返🥲，有興趣試嘅朋友要等多陣呀。
Post
