極尚大瀛喜日本料理 (Closed)

午餐晚餐喺銅鑼灣食襯嘢都會覺得好焗束，樓上舖都唔例外，排隊上樓都要花一段時間，不過今次去銅鑼灣極尚大瀛喜感覺好好，枱都係坐滿人，但空間感十足！另一驚喜係，電子落單！一齊都覺得食放題落單嗰下好浪費，同一類就算只叫一件都要用一張紙，叫太多食唔曬又浪費。電子落單又快又有紀錄，唔怕落咗唔記得。放題嘅刺身當然係主角，上得快又足數，特別推介係劍魚腩同帆立貝刺身。燒鰻魚都係亮點，點完再點。食壽司當然係一個挑戰，好在飯唔會太大舊，而左口魚群邊係必試必試！