大排檔小炒 (華發大廈)

Open Now

Now Closed

香港好食嘅大排檔真係買少見少，最近搵到間位於銅鑼灣嘅大排檔小炒，雖然名為大排檔，但就唔係大排檔嗰啲格局，而係可以有冷氣舒舒服服咁坐喺餐廳度食，不過食物絕對做出大排檔嘅風味。 我哋首先揀咗呢度嘅招牌菜，鐵板黑椒龍蝦🦞，龍蝦以呢種煮法都比較少見，一上檯就發出咋咋聲，再淋上黑椒汁，香氣四溢。龍蝦肉爽口彈牙，加埋青紅椒同埋黑椒汁，非常之惹味。 一品貴妃炒飯都幾大碟，粒粒分明，炒得夠乾身。上面鋪上乾脆嘅欖菜和蝦米乾，非常香口。 時菜炒牛肉有驚喜，芥蘭苗翠綠，牛肉嫩滑，炒得非常有炒氣。