Odelice! (The ONE)

今日係尖沙咀附近散步，行過商場見到呢間餐廳，咁就行咗入去試下。環境及服務嗰度環境幾乾淨，裝飾夠新，加上係商場高處，看埋個景就啱晒食嘢。服務幾好，侍應幾周到，問佢菜色既特點都搭得好有自信，畀人感覺非常良好。食物雜錦海鮮蕎麥薄餅餅底脆，海鮮份量幾足夠。白汁個人都幾鍾意。蕎麥餅底非常薄，較容易軟化。班尼迪克碗班尼迪克蛋配上布里歐修包，加上荷蘭醬汁，令到成碟菜昇華唔少。燒茄子啱啱好，很好食。令我最驚豔既係佢既煙燻茄子蓉，唔單止好食，口感仲一流，值得一試。加上煙三文魚，成碟菜可以話係成個用餐體驗最出色既一道菜。花生朱古力可麗餅花生醬好濃郁，加上溫暖既朱古力醬同埋凍冰冰既雪糕，令人享受到冰火二重天既感覺。可麗餅夠軟，火候足夠，係一道唔錯既甜品。泡泡姜泡泡姜加咗生薑，蒔蘿草，檸檬汁同埋姜味汽水。入口之後竟然察覺唔到姜既辣味，但係又感受到姜既溫暖。入口微酸微甜，個人覺得對姜既辣反感但又想飲暖身既嘢既人值得一試。神奇芒果神奇芒果果然名不虛傳，味道非常神奇。口感濃厚，芒果味濃，加上椰奶同埋熱情果既襯托，令這杯飲料印象深刻，可以翻點。總結今次既用餐體驗良好，食物質素高，服務週到，靚景，個人非常推薦。