睿海御宴 (Closed)

放假帶屋企人食餐好，呢間私房菜真係強烈推介！面門細細，唔特別起眼，但行到入去，周圍都係心思。從佢樓梯間嘅設計，睇得出餐廳幾用心。餐廳內可以容納到客人亦都唔多，但勝在環境同氣氛夠舒服，夠寧靜。鑽石套餐，感覺好抵。老火湯係白肺湯，每一盅湯入面都有一嚿豬肺，洗得好乾淨，個湯好清香，感覺到冇味精， 十級欣賞呢個潤肺湯！我哋喺A款揀咗個椒鹽銀魚同鮑魚汁雞腳。前盤細細碟，銀魚煎得好脆，雞腳炆得好淋。B款叫咗個咕嚕黑豚肉、風沙蒜香焗肉排同啫啫芥蘭煲。個人特別欣賞佢啲肉夠新鮮，爽口彈牙，唔會多肥肉！