Mini Friday (銀城廣場) (Closed)

落毛毛雨，上左黎Mini Friday黎lunch，唔知係咪平日晏晝，餐廳都幾靜，三分一都唔滿。揀左張卡位坐，幾濶落仲有窗口景睇添。點了一人一份午餐，餐飲好快就到了，冷熱都不用加錢的。朋友的熱咖啡，好香喎。自己點左凍奶茶，糖分開上，可以落自己喜歡的甜度。午餐有餐湯送，是日係羅宋湯。湯好濃好飲喎，入面啲牛肉仲有好牛味添。先來的日式豚肉焗飯，幾香呀。豚肉是拉麵那種日式叉燒，半肥瘦，入口綿滑。焗飯是炒飯，用珍珠米，幾好味。另一份係炭燒香草羊扒配紅酒燒汁意粉，賣相靚靚。羊扒鮮嫩，脂肪位好甘香，好味好味。意粉炒得香口，有牛油同蒜香，正呀。餐廳靜靜地，係傾偈好地方呢。