Video
Read full review
2021-06-16
270 views
男友呢排鍾意咗食日本野，今日就同佢試有好多正評既鮨一，嘢食水準真係唔錯～先叫咗個海葡萄蕃茄沙律，海葡萄咬落好似食緊蟹子咁爽爽地幾得意，蕃茄係好多肉好好味～成個沙律個感覺都好開胃好fresh之後叫咗粒貝同埋兩件白蝦壽司，價錢都偏貴但真係好好食，粒貝食落好爽口，白蝦壽司既赤醋飯調味恰到好處，白蝦好新鮮，食落好舒服食完凍野叫咗啲串燒食，有雞尾尖同牛小排，雞尾尖比較juicy，牛小排就要多小小力咬，但調味都算唔錯。筆者好鍾意食白蘿蔔，於是加多咗個辣味噌煮和牛腹，食落唔覺得辣，反而係好舒服既味噌湯，蘿蔔同牛肉都好腍好好食最後試埋佢個軟殼蟹天婦羅，好難得蟹肉比炸粉多咁多！啲蟹肉好嫩滑～熱氣啲都抵🥲
先叫咗個海葡萄蕃茄沙律，海葡萄咬落好似食緊蟹子咁爽爽地幾得意，蕃茄係好多肉好好味～成個沙律個感覺都好開胃好fresh
之後叫咗粒貝同埋兩件白蝦壽司，價錢都偏貴但真係好好食，粒貝食落好爽口，白蝦壽司既赤醋飯調味恰到好處，白蝦好新鮮，食落好舒服
食完凍野叫咗啲串燒食，有雞尾尖同牛小排，雞尾尖比較juicy，牛小排就要多小小力咬，但調味都算唔錯。
筆者好鍾意食白蘿蔔，於是加多咗個辣味噌煮和牛腹，食落唔覺得辣，反而係好舒服既味噌湯，蘿蔔同牛肉都好腍好好食
最後試埋佢個軟殼蟹天婦羅，好難得蟹肉比炸粉多咁多！啲蟹肉好嫩滑～熱氣啲都抵🥲
Post
