門面好靚, 室內環境更加係光猛寬敞, 坐得舒服又鬆動👍
貴妃葡萄 - $62呢粒野吸睛度十足, 望落去個樣十足葡萄咁, 幾可亂真, 但其實佢係冬瓜黎架😂釀左紅酒同葡萄汁, 食落好爽好香, 帶點甜, 最適合解辣👍
豆腐魚羹 - $32睇落去冇乜色水以為好淡味? 咁你就錯喇🙈極香極濃味, 而且佢係胡椒既辣, 所以越飲越想飲, 好上癮🙈
酸辣湯 - $32呢碗酸辣湯用料十足, 都幾酸幾辣架, 飲完一身汗
秘製酸菜桂魚 - $328有得揀價錢較平既鯇魚, 但都係比較鍾情於桂花魚既嫩滑口感, 所以貴100蚊都覺得值👍有得自選辣度, 所以就算食唔到辣既人都好適合架😍個湯底濃得黎又唔會蓋過晒魚片既鮮甜味🤤
四川担担麵 - $58呢個價錢都算係幾高性價比, 麵線會做得比較硬, 咀嚼起上黎更有口感👍一樣有辣度可以揀👍😍
