叁不館

Open Now

Now Closed

前幾日同朋友去咗天后嘅叁不館，貪佢主打廣東式火鍋裝修有舊香港電影風，牆上塗鴉同復古擺設好有feel，幾啱打卡。今次唔叫花膠雞湯，叫左咗佢哋嘅卜卜蜆豬骨煲，超正用新鮮卜卜蜆同豬骨慢火熬成，清甜得黎有陣海鮮香，第一啖已經暖入心，夏天飲都唔膩。重點係沙白超級多，平均每人都有十隻以上，又甜又冇沙，食落彈牙鮮美 。叫左兩碟牛，手切封門柳，肉味濃郁，油花唔多，淥熟後嫩滑得黎好有咬口，超正！手切肥牛就肥瘦相間，又香又腍，份量仲好大，吸咗湯汁入口即化，我主攻呢碟😝海鮮有蘇格蘭蟶子，大隻又鮮甜，肉質彈牙，連湯一齊食鮮味爆棚。海中蝦蝦肉爽口，新鮮到不得了。醬料係自家製，其中一款蔥油真係超級香，撲鼻嘅蔥香令人停唔到口當日係閒日去，分咗兩輪，點知每輪都爆滿，我哋食完臨走見到第二輪嘅客已經到齊晒，成間舖好full，氣氛熱鬧。店員服務貼心，坐得舒服又唔迫。