友得食粥麵茶餐廳 (Closed)

難得過去西灣河，緊喺搵間特色小店試下啦！出咗地鐵無耐，穿過專門掃街嘅太康樓！見到一間環境裝修陳舊嘅小店！雖然環境地方唔算太齊潔，但出品相當有特色，非常獨特！兩個麻甩仔叫咗三個餸！一坐低，老板娘又喺問都唔問，就擺低兩盅例湯，依啲做法真喺只有舊色人情味小店先會有！喺老板娘熱情推介之下，我地叫咗《過橋生炒骨》！依個生炒骨入口香脆，非常有口感，襯上鮮茄特製嘅醬汁，送飯一流！依個醬汁喺用鮮茄特製，入口味道清新，更帶鮮茄嘅甜味！其實我都幾唔鍾意食茄汁，但依個醬汁味道啱啱好！好食！我老友最鍾意食菜，所以叫咗《蒜蓉豆苗》！講得粗俗啲，真喺新鮮正菜，蒜蓉嘅味道啱啱好帶出豆苗嘅新鮮同爽口！正！最後叫咗《古法焗魚腸》！其實我都幾怕食魚，因為好怕食個種魚腥味！但依個焗魚腸，真喺古法製作，出面小店真喺食唔到，而且落咗大量薑絲，辟走咗魚腸嘅腥味！一流又獨特！依餐每人80蚊左右，抵食！