友得食粥麵茶餐廳 (Closed)

價錢相當合理嘅平民茶餐廳，不過入面最出色嘅係各種唔同嘅小菜，無論係一啲常見嘅肉餅、炒蛋、漁香茄子，抑或係蠔餅都有一些般酒樓嘅水準，例湯亦都唔會話淡到水咁。值得推介嘅係蠔餅、黃金骨、枝竹火腩魚腩煲，蠔餅大大塊之餘炸得非常香脆，黃金骨唔會話淨係得骨冇肉食，而且層脆漿唔會話太厚，魚腩煲就勝在勁太煲，多到你一定食得飽！另外，餐廳入面嘅職員亦非常熱情，主動推介好菜式，餐廳另一大賣點就係可以外賣小菜，佢份菜單絕對係居家必備！

太安樓內外的食肆，小妹差不多嚐遍了，僅剩數間仍未拜訪。是晚，路過友得食門口，一間茶記，竟有小炒和海鮮供應，較為罕見，就決定入內見識下。環境真的佷一般，衛生十分糟，店內坐滿兩枱滿身煙味的食客，豪氣地飲酒、大聲地說話。一中年大叔問要吃甚麼，小妹就要了炸雞髀薯條配凍檸茶$28，凍飲也沒有額外收費，實屬難得。這時，那兩枱客人越說越興奮，竟互相用粗言穢語問候對方，不雅用語此起彼落的，一男子疑是喝醉了，更大聲叫囂。坐在一旁的柔弱小妹，真的嚇呆了。腦海裏不斷地在掙扎：走？還是不走呢？一時方寸大亂，不知如何是好。這時，一手臂有紋身且笑容滿面的男子從廚房裏走出來，向那兩枱客打招呼，氣氛瞬間緩和和安靜了少許，小妹也就放心了……凍檸茶甫見深褐的茶色，已知不太對勁。果然，茶色混濁，茶味苦澀，失敗之作也。炸雞髀薯條中的炸雞髀不過不失，無論調味或味道均屬普通茶記之作。薯條則較為失準了，入口質感粉糯，完全談不上香脆可口，且帶陣不知名的噁心味兒，估計是用了劣質炸油所致。

難得過去西灣河，緊喺搵間特色小店試下啦！出咗地鐵無耐，穿過專門掃街嘅太康樓！見到一間環境裝修陳舊嘅小店！雖然環境地方唔算太齊潔，但出品相當有特色，非常獨特！兩個麻甩仔叫咗三個餸！一坐低，老板娘又喺問都唔問，就擺低兩盅例湯，依啲做法真喺只有舊色人情味小店先會有！喺老板娘熱情推介之下，我地叫咗《過橋生炒骨》！依個生炒骨入口香脆，非常有口感，襯上鮮茄特製嘅醬汁，送飯一流！依個醬汁喺用鮮茄特製，入口味道清新，更帶鮮茄嘅甜味！其實我都幾唔鍾意食茄汁，但依個醬汁味道啱啱好！好食！我老友最鍾意食菜，所以叫咗《蒜蓉豆苗》！講得粗俗啲，真喺新鮮正菜，蒜蓉嘅味道啱啱好帶出豆苗嘅新鮮同爽口！正！最後叫咗《古法焗魚腸》！其實我都幾怕食魚，因為好怕食個種魚腥味！但依個焗魚腸，真喺古法製作，出面小店真喺食唔到，而且落咗大量薑絲，辟走咗魚腸嘅腥味！一流又獨特！依餐每人80蚊左右，抵食！

從來唔會寫食評，忍唔住要寫啦😝點會有間咁有誠意嘅小店㗎!同朋友打完波，路過附近，本來只想填飽肚，點知食到D咁正嘅嘢，10個like👍茶記都有海鮮叫，又平又抵食，夜晚仲有點心食，完全滿足到我地D心多又大食嘅人

小弟住在西灣河, 同老婆都係"無飯夫妻", 所以差不多每晚都落街食或買外賣. 有次係呢間茶記買外賣既時候, 見到有幾個麻甩佬係度食海鮮, 又蝦又蟹又鮑魚, 老婆見到都話正. 細問個事頭婆之後, 原來呢度有做海鮮餐, 但比較低調因為地方唔大, 佢話人頭大約三百五到四佰左右. 見到老婆好似好有興趣, 於是訂了5位試下. 雖然環境比較迫D, 但海鮮味道絕對拍得住鯉魚門, 西貢.....