Video
Read full review
2016-03-16
172 views
今日放工係大角咀果邊周圍行下，行到咁上下呢間餐廳，之前已經聽過唔少同事講過呢間野話佢由90年代做到而家。跟住我就抱住致敬嘅心態入到店裡面，好彩我去嘅時間都比較夜，人唔算太多，唔洗等位就有得食。坐低之後，見到牆上面畫左一種薄餅，經詢問原來係餐廳一種獲獎嘅食物，牆上面畫住嘅係佢三種食法。由此可見，餐係幾咁重視呢樣食物。黑松露薄餅呢個就係餐廳嘅獲獎作品，佢有3種唔同嘅食法，第一，直接食用；二，點餐廳提供嘅提子醋一齊；第三，夾埋餐廳用以拌碟嘅青菜一齊食，個人比較喜歡第二種食法，提子醋嘅甜味同黑松露嘅味道出奇地夾，唔會互相掩蓋，同時又相得益彰。個批口感又夠晒脆，真不愧係得獎菜式。蜜糖焗豬手講起豬手，大家一定會記得德國燒豬手，但係呢度就話俾我知另一種整法嘅豬手都可以好好食。呢度嘅豬手表皮係軟綿綿嘅，而且披住一層蜜糖燒汁，表皮入口完全唔會覺得佢肥膩，因為油脂在餐廳煮嘅過程已經流失了不少，所以上枱嘅豬手唔會太油膩。另外啲肉入口都係好軟淋淋，唔會好似平時嘅燒豬手咁有啲硬到咬唔開，開蜜糖汁配意粉，飯或者薯菜都一樣出色，因為佢唔會太甜，微微地嘅甜味更好嘅為其他食材吊味。。。心太軟食左咁多野，緊係要番個甜品爽
今日放工係大角咀果邊周圍行下，行到咁上下呢間餐廳，之前已經聽過唔少同事講過呢間野話佢由90年代做到而家。跟住我就抱住致敬嘅心態入到店裡面，好彩我去嘅時間都比較夜，人唔算太多，唔洗等位就有得食。
坐低之後，見到牆上面畫左一種薄餅，經詢問原來係餐廳一種獲獎嘅食物，牆上面畫住嘅係佢三種食法。由此可見，餐係幾咁重視呢樣食物。
黑松露薄餅呢個就係餐廳嘅獲獎作品，佢有3種唔同嘅食法，第一，直接食用；二，點餐廳提供嘅提子醋一齊；第三，夾埋餐廳用以拌碟嘅青菜一齊食，個人比較喜歡第二種食法，提子醋嘅甜味同黑松露嘅味道出奇地夾，唔會互相掩蓋，同時又相得益彰。個批口感又夠晒脆，真不愧係得獎菜式。
蜜糖焗豬手講起豬手，大家一定會記得德國燒豬手，但係呢度就話俾我知另一種整法嘅豬手都可以好好食。呢度嘅豬手表皮係軟綿綿嘅，而且披住一層蜜糖燒汁，表皮入口完全唔會覺得佢肥膩，因為油脂在餐廳煮嘅過程已經流失了不少，所以上枱嘅豬手唔會太油膩。另外啲肉入口都係好軟淋淋，唔會好似平時嘅燒豬手咁有啲硬到咬唔開，開蜜糖汁配意粉，飯或者薯菜都一樣出色，因為佢唔會太甜，微微地嘅甜味更好嘅為其他食材吊味。。。
心太軟食左咁多野，緊係要番個甜品爽下喇。作為朱古力嘅粉絲當然要食個心太軟，而且呢度呢個真係心太軟黎架，因為佢真係識流架，而且朱古力嘅濃度岩岩好唔會太苦又唔會太甜，真係令人心滿意足呀。
作為一間老店，真係令人有驚喜嘅感覺，因為佢會適時更新菜式，為客人帶黎驚喜，有機會要再黎先得。
Post
