小巴黎越南豪威餐廳 (Closed)

在香港既舊區買少見少，好多以前獨特既小店，都俾D大財團趕走，或者成個區買起左，搞到要食D小店，都只有幾個區域。新蒲崗係其中一個，依然保持到香港舊風味的地方之一。呢D有好多小小的食店，好多都好街坊但係又每間都有自己的風格。今次午餐行到來呢到，就四圍行左一陣，多到呢間越南餐廳都好多人坐，所以就入左去，一個人比較易有位，見唔多要等，就即刻試下。叫左一個午市套餐，包埋飲料都係$40左右，叫左一碗雞扒撈檬。個樣都幾靚仔，而且都好多肉同粉，份量好足。呢到既魚露，都好香同有味，因為之前試過一D，有色但倒幾多都冇味的，呢到就一定唔會。檬粉比較硬左一D，雞扒的煎得好香，而且都唔會太咸，熱天時食碗，都係幾好。見好多其他食客食左湯粉，見到都覺得好吸引，下次如果有機會，一定再來呢到食。