小巴黎越南豪威餐廳 (Closed)

最近流行自私食，一黎可以揀自己想食既野，二黎控制到駛費。心血來潮想食越南野，所以諗都無諗就入左去。我揀左Menu 左下角既 越式金邊 $58有四餸，我仲叫埋個餐飲。一開始因爲見到茶記咁既樣都無咩期望，點知又幾好食，欣賞個雞翼，都幾入味。

33蚊下午茶，凍飲唔加錢！唔好以為呢個價錢實會hea你，呢度嘅食物質素係茶記嚟講，堅係食得過！已經嚟第3次，但第一次食呢個生牛肉湯檬。齋睇樣已經好足料，意想不到係啲牛肥瘦適中仲好有牛味！湯底一如既往清甜。如果要挑剔就係個湯可以再熱啲，不過啲牛熟唔曬又好似係好味啲😅😅依家香港地，咁嘅價錢食到咁嘅質素真係好難得㗎啦！唔怪之得咁多街坊捧場，係值得鼓勵嘅！但呢度逢星期六休息，返五日半嘅朋友仔就嘆唔到呢個咁高性價比嘅下午茶餐啦😌😌

在香港既舊區買少見少，好多以前獨特既小店，都俾D大財團趕走，或者成個區買起左，搞到要食D小店，都只有幾個區域。新蒲崗係其中一個，依然保持到香港舊風味的地方之一。呢D有好多小小的食店，好多都好街坊但係又每間都有自己的風格。今次午餐行到來呢到，就四圍行左一陣，多到呢間越南餐廳都好多人坐，所以就入左去，一個人比較易有位，見唔多要等，就即刻試下。叫左一個午市套餐，包埋飲料都係$40左右，叫左一碗雞扒撈檬。個樣都幾靚仔，而且都好多肉同粉，份量好足。呢到既魚露，都好香同有味，因為之前試過一D，有色但倒幾多都冇味的，呢到就一定唔會。檬粉比較硬左一D，雞扒的煎得好香，而且都唔會太咸，熱天時食碗，都係幾好。見好多其他食客食左湯粉，見到都覺得好吸引，下次如果有機會，一定再來呢到食。

新蒲崗少有越南野食，心癮起，lunch time要幫襯吓呢間小店~同事叫咗小巴黎熟牛河($39)，佢話河粉好滑(唔係即食即沖果種河粉)，牛肉又好食，只係湯底偏甜少少，但大致上都讚。我比較為食，叫咗豬扒雞翼扎肉飯($46)，可以多啲野夾，雖然豬扒油咗少少，但整體個飯都好食，仲有配菜跟埋醃蘿蔔，食咗啲油膩野再食呢樣好舒服其實呢間都抵食，午巿都好多人，奉送冷熱飲品(不過我杯熱奶茶偏濃，好重茶味)，學生仲有九折。所以過咗1pm，都開始要等位了。。。

食過兩次,都是撈檬,外賣包裝很細心,  撈汁另外用紙杯裝 蔬菜擺底,再放檬粉, 肉和腌蘿蔔片我覺得蘿蔔片和撈汁都是甜甜的,酸味很輕香茅豬排味道很好, 帶甜口,有點肥肉,好食.應該有加松肉粉蝦餅好食，有蝦味, 加了馬蹄,口感比較好香茅雞翼, OK奶茶好飲, 濃,香喜歡食物帶甜味的話, 可能也會喜歡這家店的食物（個人喜歡酸一點的,所以都是另外加白醋落撈汁的）

某日突然心血來潮想食越南野，先發現原來新蒲崗唔多食越南菜嘅地方，難得搵到呢間小店。呢間餐廳唔算大，但坐得舒服，而且上菜上得都幾快。今次叫左個豬扒撈檬，有好多香蔥，花生碎同炸蒜，非常香口；豬扒有成五塊咁多，肥瘦適中；配上酸酸甜甜嘅魚露（每張枱都有支，可以隨自己喜好倒落碗撈檬度），食落好開胃😋😋呢個餐40蚊仲包埋野飲，性價比幾高，值得再黎👍🏽👍🏽 下次有機會想試埋佢地嘅米紙卷，睇落都唔錯咁😋😋

家庭式經營平民越南小店* 成日經過新蒲崗都無留意到有e間越南野..7點黎到..門口有人等緊位..但店員好似唔係好識分配位置..同客人講 “6個人等位好難等”。。但其實可以坐住4個先， 因為隔離2個就黎食完茶餐廳格局 食物又平又抵 仲要唔洗加一咁耐先發現到佢 真係走寶啦食完先記得影相..叫左豬頸肉湯河同蝦餅湯河 @$38晚餐$38一碗河粉 仲要送冷熱飲品..真係唔知去邊度搵蝦餅入面有馬蹄 夠爽脆 不過可惜既係佢放埋係湯入面上..如果可以分開上 會更加好咸豬肉炒芥蘭 $35大大碟 仲要落足料 好多咸豬肉..隔離見到我地叫 都即刻叫左一碟軟殼蟹紙米卷 $30配埋個酸甜汁好好食埋單都係$155每人$80都唔洗😍咁好既平民小店..希望多d人幫襯唔好成日都幫襯地產霸權😫

Interesting area, wandered into the restaurant. Menu only in Chinese but a large range of Vietnamese starters, pho, bun, sides, Viet beers and soft drinks. Service was prompt and food was nice. The pork neck and soft shell crab rice paper rolls were especially good. A good choice. Will return.

好日唔落街食飯 竟然發現到間平靚正平民街方飯堂。用料新鮮 夠鑊氣 份量對於細食既女仔嚟講可以分二餐添 正常食量會覺得好飽食過第一次之後即刻變左飯堂$35 個炒菜去邊搵 仲可以自己配搭 正！轉雙拼仲只係加$3 痴左線咁足料 仲要送凍熱飲唔洗加錢基本上我係一個唔會寫食評既師奶 但係尼間越南野係好到我會一路食一路寫仲要冇加一 打包既外賣杯都唔洗加錢🙏🏻🙏🏻唔好加佢租呀⋯⋯業主 加租既話寧願佢加價😝尼區既街坊飯堂 要頂住呀！