夢の丼 (Closed)

喺土瓜灣呢個舊城區返工都幾好，附近有好多好野食，今日lunch我就同同事去左呢度日本餐廳食飯。呢度最出名就係丼飯，午市仲有套餐，幾抵食。仲未糧尾，我同同事就食豪啲，我地叫左夢之丼同埋一番拖羅丼。丼飯未黎之前會先試伴碟菜同埋麵豉湯。一番拖羅丼入面有幾款拖羅，包括大拖羅、中拖羅、蔥碎拖羅同埋火炙拖羅。拖羅超新鮮，食落去入口即化，上面仲有隻漬蛋黃，撈埋落飯一齊食超好食。另外呢個夢之丼就有齊多款海鮮，總共有7樣野，我最鐘意既係帶子，夠哂大粒，而且又新鮮！最後，一人食返件厥餅就perfect 池啦！