詩餅坊

Open Now

Now Closed

6月尾曾在餅店堂食2款西餅，芒果撻同蕉糖合桃撻非常好食同特別，今年生日便想起詩餅坊餅店的蛋糕，入到去之後見好多款蛋糕，款款都好靚同好吸引，心大心細都唔知買邊個好，後來經店員介紹一款〔紫色浪漫蛋糕〕一看之下好鍾意，便立即預訂一個，到生日果日取餅返屋企同親朋一齊分享，打開餅盒個個都嘩一聲，好靚呀，到食餅果陣個個贊不絕口，食後感係唔會太甜，CREAM好香滑，蛋糕好鬆軟好香同有好多士多啤梨同藍莓，佢地話連蛋糕餅底都好好食，個個都問响邊度買，第日一定到餅店試吓其他款。