La Parole (Closed)

是日因為有朋友就黎走咁就成班去左食法國菜,最後揀左La Parole,呢度環境唔錯,幾適合品酒,朋友梗係都開左d酒高興下,不過我真係唔係太識,飲左少少就放棄左,唯有專注食。經過waiter詳細講解後,我地個個都係叫Discovery Menu,由大廚決定,起碼唔使自己諗。是日Appetizer係Foie Gras,小女真係未試過咁大件Foie Gras,以前食果d都係細細件一啖就冇所以一見到就好開心,雖然大大件,不過一d都唔油膩,煎得岩岩好,唔會太燶而又夠脆,入面都是熱辣辣同軟淋淋的!而湯係龍蝦湯,味道夠濃,入面都幾多龍蝦肉,雖然好足料,不過唔會好似出面果d好”傑”咁,所以飲完都唔會頂住仲有雪葩食,用黎清一清味蕾,幾細心wo又主菜有2道,第一道係忌廉白酒龍蝦,又係啖啖肉的一道,雖然唔係好識食,不過食得出幾新鮮,忌廉汁味道重,食完即刻飽左d而第二道主菜係牛仔柳配黑松露薯蓉同燒烤汁,個牛仔柳好嫩同夠軟熟,而黑松露配薯蓉都真係第一次食,黑松露好香令到成個薯蓉都香噴噴,加埋紅酒汁就有幾個層次既味道,幾特別,係是日最愛!!不過最衰冇得散叫,要睇彩數,因為discovery日日唔一樣最後個甜品係士