沙嗲軒 (中港城) (Closed)

拆禮物日約咗幾位好姊妹食晏，順便聊聊近況！這間沙嗲軒已經係同姊妹們第二次嚟喇，以尖沙咀區嚟講，主要係坐得舒服，就算假日嚟嘅話，人流亦唔算太多，令人感覺好寫意。而呢度嘅星洲甜品薈萃拼盤係吸引我地再嚟嘅第二個理由。我地六個人都嗌咗幾多嘢啊，大路嘅就係一定要試吓肉骨茶、馬來椰汁咖喱雞、沙嗲串燒等。我地仲嗌咗個特色臘味煲仔飯，可能嗰日天氣凍，想食啲熱辣辣嘅食物。印度千層油酥餅係用嚟蘸咖喱汁食嘅。肉骨茶係小妹嘅推介，藥材味濃而且肉排非常軟腍。我地傾下講下，唔經唔覺又到四點！有機會再嚟品嚐特色星馬菜！