紅磡雞蛋仔

我喺大學讀嘅科目較少外籍學生， 所以讀到第三年都冇咩特別機會同外國學生文化交流， 參加咗學校一個叫做language partner 既計劃， 可以一對一咁配對學生， 互相認識， 仲有$$資助去掃街，體驗香港飲食文化添！ 講真住咗喺香港咁多年我都好少去掃街... 所以呢個對我嚟講都係一個幾特別嘅體驗😂😂😂

1

早已聽聞紅磡雞蛋仔嘅芒果pancake， 是但一直只係有得睇冇得食， 今日終於有機會啦！😜💕💕

芒果班戟

$18

pancake比想像中多芒果， 芒果粒粒都咁大， 橙黃色咁明顯已經熟透， 食落果然好香甜！ 我諗加加埋埋呢度最少有半個芒果😎😎

至於個pancake暖笠笠， 軟熟得來唔會太淋散開曬， 方便揸住食， 店主仲喺pancake上塗上些少忌廉， 雖然一啖咬落去唔多覺有忌廉嘅存在... 但整體好滿意！

朱古力雞蛋仔

$18

跟住就叫咗個雞蛋仔啦， 我知道啲餅朱古力雞蛋仔其貌不揚， 但佢絕對係高質地道美食， 每一粒雞蛋仔裏面都有唔少朱古力碎， 朱古力味幾突出😘， 就係爭緊啲外皮嘅香脆， 我諗如果我哋唔好咁心急，等雞蛋仔攤凍一陣，外面會crispy d!

內裏濕潤柔軟，但外皮稍欠香脆

不過講到尾佢只不過係加咗朱古力碎嘅雞蛋仔， 賣到十八蚊一餅其實有啲貴， 我諗試一次就夠啦😆😆