紅磡雞蛋仔

Open Now

Now Closed

紅磡老店，必是原味雞蛋仔，粒粒外脆內軟，熱烘烘食非常好味，蛋漿甜度適中扯蛋味香濃。芒果班戟亦是必吃之選！粒粒大芒果鮮甜多汁，加上忌廉入口幼滑，班戟皮蛋香軟熟，好吃！屬香港充滿人情味的小店

紅磡雞蛋仔唔知點解突然間勁多人排隊，唔通係小紅書啲人推薦？？🍴三色雞蛋仔 $24 (6/10)可以一次過試晒三隻味，分別係原味抹茶同埋朱古力，唔知點解雞蛋仔個底部燶咗一大忽😂雞蛋仔即食係最好食，外脆內軟特別好少少，濕潤黏口！原味係最普通冇乜味，得好微嘅蛋味同甜味，朱古力味道好香濃一啲都唔甜，抹茶聞落去好香食落去都幾出嘅不過未算好濃味，呢個價錢食到嘅雞蛋仔係唔錯嘅，不過如果控制火候控制得好啲，唔會燶咗個底會好好多囉！推薦指數: 6.5/10普通，路過冇人可填肚。

又一中伏之選🤡本身對雞蛋仔既容忍度好高，小店連鎖店都會食，鐘意食脆身，就算唔脆，有蛋味都收貨。依家店經常有人介紹，但真係黑人問號？脆就脆，脆到近乎燶！最差係無蛋味，學人叫咩雞蛋仔😂真係唔清楚讚佢既人平時係食開咩雞蛋仔？重要成$16。。。請都唔會食唔緊要可能啲人話班戟好食，排多次隊試埋佢。Sorry個皮都係淡口，普通，無特別，唔值依個價唔好再吹捧依間野啦唔該，嘥人錢同時間，真心求其街邊食一間雞蛋仔都好過佢

呢間小店唔止係區內出名名氣直頭衝出九龍💨最想試佢地既 沙律淨芒果班戟點知當日無芒果！！😫😭😤😔失望兼徬徨之際 選擇左另一款鹹班戟嚕⍥ 蛋白肉鬆鹹班戟 ❙ $16班戟已預先整好 由於唔係即叫即整 我以為係凍點知拎上手係有溫度！！係熱架！！😳未食 已經暗地裡加左分然後哥哥仔塗上牛油及厚厚一層花生醬☺️再毫不客氣地舖滿肉鬆Pancake好軟熟但口感略乾配搭海量肉鬆 鹹鹹甜甜 的確唔錯不過小心食到周身都係🤣我著黑衫食到少少論盡🙂🙃

第一次食到現在， 最少超過十年， 由老闆似叔叔至現在似伯伯， 仍然堅持用合理價錢去招呼街坊。 今日再重遊舊地， 顧客比以前多了很多, 特別是自由行人士。 老闆忙到手都停不了。 等了十五分鐘左右， 終於買到鷄蛋仔。 一如既往， 香及鬆脆， 希望他一直可以做下去， 一定會支持👍🏻

咁，嚟到呢間老舖，話說佢嘅芒果班戟真係一絕！初初一攞到手，香味已經四溢，搞到我垂涎三尺。班戟皮軟滑得嚟有啲韌性，咬落去滋味十足🥞。我食嘅嗰份，瀡芒果咁黃又咁飽滿，咬落去汁液四溢，透心涼嘅爽快感同嗰啲新鮮芒果嘅天然甜，簡直係夏天嚟咗！佢哋仲會淋少少沙律醬係上面，一嚐之下，想像下酸酸甜甜嘅戲碼喺口腔裏面演繹，味道層次非常豐富。加上嗰位師傅嘅手路快靈快活，每一份班戟都做到恰到好處，真係要比個讚👍🏻！另外我仲一試廣受歡迎嘅雞蛋仔，外皮微脆，入口咁滑，真係keep到住經典香港街頭小食嘅魂，每一啖都滋味無窮。食下食下，我真係覺得自己返到細個嗰陣，好滿足呀！下次我仲想返嚟試下其他款呢！🤤🍴🇭🇰

古法朱古力原味雞蛋仔 $21果不其然係出哂名嘅紅磡名物，最近咁啱行經過、一落完order就勁多人排隊。雖然我冇試佢嗰芒果雞蛋仔，但佢嘅朱古力原味雞蛋仔都真係冇得輸。好開心食得返經典、標準嘅雞蛋仔，外層酥脆，內部則是鬆軟綿密，咬下去嘅時候，外層的酥脆與內部的柔軟完美結合，呢種對比帶嚟了一種令人愉悅嘅咀嚼感，絕對係香港味道、古法製造。佢調嘅蛋漿綿密稠密，真係唔係講笑，喺流速上睇，同其他嘅蛋仔就已經唔同，呢間係啖啖有料、零失望。佢另一半係朱古力味，但個人覺得係特濃版，真係未食過有間雞蛋仔係做到個朱古力味濃過朱古力奶，唔太甜，苦度剛剛好，雖則未至於有朱古力粒，但以原味價錢食到雙拼雞蛋仔，超抵食，絕對係要一試再食，食完再食！！！

唔會再幫襯 請我都唔食我買完之後就食左個pancake先 我自己覺得唔夾 可能個人口味問題 我買到嘅芒果冇人地啲相嘅多(我食完先記真睇OpenRice啲相) 如果唔中意食咸甜嘅嘢可以直接唔洗試重點係我底雞蛋仔係燶嘅 我唔理個老闆係咪睇唔到 但係你哋賣嘢係咪有責任睇清楚 建議如果想食好食嘅雞蛋仔夾餅可以去第二度食 唔識控制火力可以考慮下用電子爐 唔好製造啲食物出嚟俾人浪費🙏🏻衛生問題就好多地方都係收完錢就製作食物 但係佢啲手指係會掂住你嘅pancake啲整

******************************🥢蛋白肉鬆鹹班戟 $14朋友推薦紅磡雞蛋仔嘅班戟咁啱喺附近覓食一於試一試😗肉鬆班戟得$14好抵食✨落完單等拎嘅時候見到好幾個人都係嗌肉鬆班戟即刻心諗掂啦實冇揀錯🤣到手熱辣辣😍肉鬆滿滿加上花生醬嘅鹹香令人食指大動✨以後如果去開紅磡一定會二訪三訪😗******************************

去開紅磡買餸突然肚餓決定係紅磡附近掃下街， 經過見到紅磡雞蛋仔好多人等緊行過去睇下原來餐廳賣雞蛋仔之如仲有賣pancake, 我見禁多人買於是我就叫左個淨芒果pancake.見到師傳整個時pancake 味已經好香， 有別於其他新式梳乎理pancake, e 到只賣舊式pancake, pancake 到手時非常熱， 蛋香味十足， 口感鬆軟， 老闆仲好大方加左海量既新鮮芒果同沙律醬， 芒果既甜配上沙律醬既少少咸同pancake 既熱口感一流非常好咪唔洗1分鐘已經ko 左。大家黎紅磡一定要試下。

紅磡行完街路過紅磡雞蛋仔,都幾多人排隊!叫咗原味雞蛋仔同埋芒果班戟,原味雞蛋仔好厚肉好香蛋味~可能因為吹左一陣嘅關係外皮特別脆!芒果班戟都好好食,入面有大量芒果😍

—本身一心plan咗做完嘢就去食蒙麵點知撞到正一正 成個禮拜都休息放暑假幸好to-eat-list到仲有存貨 繼續行程🥭沙律淨芒果班戟($21)雖然排咗條小隊伍 但當老闆逐個問要食咩時由於前面嘅人都係食雞蛋仔所以嗌班戟嘅可以名正言順地插隊打尖班戟拎上手仲係溫熱暖暖地表面搽咗d煉奶 厚身鬆軟而芒果粒爽腍 稍為酸甜開胃可以返屋企試下咁配搭————————————————————紅磡雞蛋仔紅磡大沽街寶利閣2號舖

紅磡區必食懷舊特色雞蛋仔班戟小店✨位於寶石戲院附近，廣受大學生同街坊歡迎次次去開紅磡或經過都會想食返件《蛋白肉鬆班戟》肉鬆份量每次都好大方，鍾意佢咁多年都毫不孤寒👏🏻👏🏻對於好鍾意肉鬆嘅我，啖啖都好滿足🫶🏻個班戟嘅口感好正，好有蛋香‼️唔會太漏或太滯，都唔會有好頂胃嘅感覺一個人食一份都無難度🤤見住紅磡區變遷，開多左唔少cafe餐廳，有啲嚟得快去得快成日都好驚佢突然結業，怕以後食唔到喱個味道趁有得食好食🥹

本身想去睇開嗰間戲院買$45戲飛睇調教你處男。點知 間嘢冇上。搵搵下竟然畀我搵到黃埔嘉禾再平啲！原來逢星期三只售$40！ 作為窮豬嘅我梗係即刻9衝。好日都唔去黃埔，既然去開梗係要幫襯下紅磡雞蛋仔。因為個lunch仲未落格嘅關係，我嘅雀仔胃只可以喺雞蛋仔同pancake之間二選一。 最後因為同行友人係終極芒果控，所以決定滿足下佢，要《沙律淨芒果班戟 $21》。 只見老闆一手攞住 pancake ，另一隻手就不停撥不停撥啲大大粒芒果入去！拎住佢打卡嗰時啲芒果多到係咁sir落嚟，浪費咗我幾粒寶貴嘅芒果！ 終於打完卡。臨走老闆一如既往好好客咁指住個三色雞蛋仔問：「真係唔要雞蛋仔？ 全世界都一定食佢！」只怪我今日同佢真係緣份未到呀施主～ 然後，同行友人已經急不及待 「 好食！」 叫佢畀啲專業食評「 好食！」 有冇第二個形容詞「 真係好食！ 芒果好甜！」「好食！」佢每食一啖講一次，直至食完為止。

大熱天時，嚟到都有人排隊真係大癲不過都好彩都好快到我地第一次食沙律芒果班戟超足料🥰芒果又多又甜，每一啖都有芒果同埋芒果都係凍凍地 夏天食都不錯班戟好似有少少鹹味（唔知係個pancake 定個醬鹹鹹地），但甜鹹一齊食好正😋雞蛋仔叫左原味朱古力味（一半一半）可能因為係兩溝就要等一陣因為佢即叫即整，所以我哋食個陣係熱辣辣個雞蛋超脆！大推！😋😋個人認為原味好好食，好有蛋香朱古力味就一般唔係特別濃味個人認為雞蛋仔比pancake 更加出色😋😋