古早牛肉麵 (Closed)

而家真係好少出去食嘢。。。今日破例去左深水埗食午餐，因為要買d家庭用品，經過見到依間唔貴既牛肉麵，就入去食啦叫左個紅燒牛肉乾拌麵同埋個炸雞扒🤩🤩🤩睇我個表情就知依間好食！仲叫左杯輕芝士岩鹽綠茶！好推介大家食！佢個牛肉好冧，好有牛肉味，仲有就係佢個面好有口感，比起出面差唔多價錢但牛肉份量勁少既，依間真係好好食！加上佢有d辣菜甫比你任加，我就加落去拌麵到一齊食，又將成件事昇華左，有時都好佩服餐廳整依d比我地撈下面，辣辣地，好食！而個炸雞扒，炸粉唔厚，份量夠大，一個人食都真係飽到滯哂呀🤣最後講下杯野飲，都係好正，因為好夠綠茶味，唔會溝到好淡比你，加上佢d輕芝士，而家諗起都想買杯黎飲😍😍😍