海南少爺 (Closed)

🍲馬來西亞肉骨菜食過肉骨茶既人應該知道新加坡同馬拉既肉骨茶味道好唔同。新加坡重胡椒味，馬拉重藥材味。我就比較鍾意馬來西亞既肉骨茶🤩。呢間餐廳既肉骨茶湯料有4️⃣款肉俾你揀：一字排、豬手、豬肚、豬腩肉。可以揀其中2款，我叫左一字排骨同豬手。隨湯會跟炸魚皮、油炸鬼、豆卜同響鈴。上到枱會有個火爐🔥熱住，好似打邊爐咁，唔好睇佢份量2至3件，食完個肉骨茶已經飽哂咁濟🤪。整體黎講個馬來西亞肉骨茶係好好味呀，排骨同豬手都好嫩唔會熟到鞋口同un✔。🥘招牌椰香海鮮喇沙個湯底好香好夠味，有椰香既甜，亦有香茅既辛。海蝦🦐好鮮紅夠新鮮。仲有魚片同豆卜做配料。由於食完個肉骨茶太飽既關係，食唔哂碗喇沙喇😛。