Video
Read full review
2022-09-07
1480 views
宜家想食牛扒唔一定要到貴貴既扒房，自從石燒牛傳入香港之後，牛肉愛好者又多一個食扒既好地方啦！😚❤️廚師會先將牛扒煎到大約一成熟，再放上燒到非常熱既石板上，食客可以跟據自己既口味 & 超愛既熟度自己烹調，想點樣食全部由自己控制，非常過癮🤩。一入到牛極就比佢既裝修吸引，充滿日本風情🎌，好似返左鄉下咁。呢度好似係日本咁以自助形式買飛，我地今次選擇左日本牛柳 & 黑豚腩片，餐廳仲好貼心咁提供左圍裙，唔洗驚整污糟件衫😻。日本牛柳 270g 🍖牛柳勁厚身，份量十足，無偷工減料。 牛肉味香濃，肉質嫩滑，咬落勁多肉汁，沾上日式醬汁更加惹味。特別推介辛味芥末燒汁，少少辣，更添層次。🥰🤩黑豚腩片🐖平時成日都係食牛，所以嗌一份豬豬🐷🐽黎試下，點知又幾好味喎！豬腩片肥瘦均勻，煎香帶有脆邊，食得過癮，我會去自助沙律吧度夾d沙律菜🥗連同腩片一齊食，中和返油膩感，食落好fresh。自助區除左醬料外，有飯，沙律，牛肉湯提供，推介各位一定要飲多幾碗羅宋湯🍲，非常重料，真係有好多牛肉係入面，唔係只有雜菜，充滿肉汁真係好好飲！我忍唔住飲左幾碗。🙈😜
廚師會先將牛扒煎到大約一成熟，再放上燒到非常熱既石板上，食客可以跟據自己既口味 & 超愛既熟度自己烹調，想點樣食全部由自己控制，非常過癮🤩。
一入到牛極就比佢既裝修吸引，充滿日本風情🎌，好似返左鄉下咁。呢度好似係日本咁以自助形式買飛，我地今次選擇左日本牛柳 & 黑豚腩片，餐廳仲好貼心咁提供左圍裙，唔洗驚整污糟件衫😻。
日本牛柳 270g 🍖
牛柳勁厚身，份量十足，無偷工減料。 牛肉味香濃，肉質嫩滑，咬落勁多肉汁，沾上日式醬汁更加惹味。特別推介辛味芥末燒汁，少少辣，更添層次。🥰🤩
黑豚腩片🐖
平時成日都係食牛，所以嗌一份豬豬🐷🐽黎試下，點知又幾好味喎！豬腩片肥瘦均勻，煎香帶有脆邊，食得過癮，我會去自助沙律吧度夾d沙律菜🥗連同腩片一齊食，中和返油膩感，食落好fresh。
自助區除左醬料外，有飯，沙律，牛肉湯提供，推介各位一定要飲多幾碗羅宋湯🍲，非常重料，真係有好多牛肉係入面，唔係只有雜菜，充滿肉汁真係好好飲！我忍唔住飲左幾碗。🙈😜
Post
