洪記海鮮酒樓

Open Now

Now Closed

好耐無入西貢，今晚一於入去食海鮮本來最好多啲人，可以叫多幾碟嘛，但係得兩大一細，唯有去間有得揀海鮮的酒樓，食得唔多但希望食得好點……酒樓前菜例牌有花生蕎頭，收廿蚊，味道可接受，阿女鍾意去到海先擋揀嘢，樣樣都好似好新鮮，同個師傅話要花螺，點知佢同我講國語，我應該無過關呀，點解轉咗國語台既﹝難怪咁多人揾唔到工啦﹞講返正題，自己揀有樣好，食幾多無人迫你，我叫咗蟶子同埋花螺，百五蚊斤，每樣要十兩，各八十蚊料錢，貴少少但可接受，不過唔知點解全部都係細細隻，無得食蟶子皇，失望上次貪平要套餐，可以食多個餸但無樣得，今次精選要蒜蓉粉絲蒸蟶子，加工費$35﹝二至三位價錢，越多人越貴﹞，粉絲收$20，嘩！好貴呀，好彩蟶子夠鮮甜，蒜蓉粉絲香口到不得了，好食辣酒煮花螺，花螺細咗啲，但鮮味十足，但唔知點解辣味不足，酒味太濃﹝用辣酒煮完之後酒精應該已大部份揮發﹞咁搞法不如白灼再加甜辣醬仲好乾瑤柱肉碎蒸水蛋，俾小朋友食還可，都幾足料，又夠大碟，送飯一流環境算優美﹝話哂都對住個海﹞，不過好鬼嘈，想傾吓計都難衛生一般啦，枱布都算乾淨，地吓又唔多垃圾服務，好似唔只一個啲廣東話麻麻，但態度良好，不過始終覺得中菜的servi