船渦

Open Now

Now Closed

我自己好中意食海鮮，但成日怕麻煩唔識處理，通常都會出街食，今晚同朋友食呢間，自己動手蒸，我地每人叫左一個八府巡按套餐，性價比高，份量多，食到好飽。刺身：有北寄貝，甘蝦，帆立貝，我地仲追加海膽，刺身新鮮，入口鮮甜。芝麻雞翼，雞軟骨餃子炸到外皮脆卜卜，雞肉嫩滑多汁，好好食。海鮮種類都幾多，有白蜆，蝦，鮮魚片，鮑魚，龍蝦半隻，元貝，蚌，蟹半隻。蝦肉爽口彈牙；白蜆無沙，帶有海水鮮味；鮑魚肉質軟林，龍蝦咬落爽口；蟹好鮮甜蟹膏多。肉類安格斯牛肉濃郁牛味，雞腿肉嫩滑。丸類有牛骨濃汁牛丸，薑汁皮蛋貢丸，招牌墨魚丸，口感彈牙。蔬菜拼盤新鮮種類多。