樂天經典 (奧海城二期)

Open Now

Now Closed

收工之後同同事去附近搵餐廳食飯，經過見到呢一間餐廳專門食中菜，二話不說就入去試吓。咁啱太陽仲未落山，餐廳嘅玻璃可以望到出面大馬路風景。呢度有自家製涼茶提供，我哋隨即每款各叫了一杯。我的就是檸檬薏米水，叫了熱飲，飲落去好暖胃。餐牌上嘅蟹有不同嘅烹調款式選擇，圖片亦很吸引，朋友喜歡吃辣，就叫了黑胡椒蟹。他們大讚蟹大隻，好有肉，而且黑胡椒味道剛剛好，唔會太辣。黃金蝦賣相實在太吸引，海鮮迷嘅我們隨即點了這個餸菜。食落去蛋黃味道濃郁，鋪滿蝦球表面，蝦肉爽口彈牙，食出鮮味。還有椒鹽肉排、清蒸魚同埋油麥菜等等，呢一餐非常豐富，而且飽肚滿足。