串Grill 自助燒烤專門店 (廣華街) (Closed)

今日收早就同男朋友去食好啲！平時食燒肉放題打邊爐又太多，今次就揀咗旺角既自助放題串燒「串Grill 自助燒烤專門店」舖面已經有齊晒日子價錢俾係睇晒，十分清楚清晰，雖然不太大間，但係每個座位都舒服唔會好迫！但係記得要訂枱訂枱訂枱！餐牌野食上就唔算太多選擇，不過就可以樣樣都試齊晒！店員都十分細心，一開始就介紹燒烤食法，調味料用法！食法都岩晒懶人一族，一串串放落去燒烤爐等佢慢慢自轉，自己就可以傾吓偈打下機十分之嘆！燒肉既質素都比得上價錢，有牛舌、西冷、牛柳，燒起來都鮮嫩多汁，加埋自家既燒烤醬代替蜜糖黎燒，味道一流呀！仲有一定一定要叫棉花糖，平時去燒嘢食先有得食，而家可以自動燒仲要十分均勻！仲有無限野飲俾你一度食一度慢慢飲，特別有荔枝紅茶同蜜桃烏龍茶推介燒烤必備。