Video
Read full review
2023-06-08
16 views
自助式嘅串燒烤真係第一次試，呢間餐廳主打任食港式串燒，款式都幾多，值得一讚嘅係舖頭入面冷氣開得夠大，連對住個燒烤爐都涼浸浸咁，燒耐啲都唔會身水身汗，坐得幾舒服～😆小店喺旺角有兩間分店，座位唔算太多，只有七張六人枱，想同朋友嚟嘅記得book定位！串燒放題任食120分鐘，價錢低至$198，可以任食澳洲和牛、紐西蘭牛、黑毛豬同埋其他海鮮、蔬菜串燒，款式多達40款，仲有汽水櫃任飲嘅飲品，仲有得加錢飲啤酒，啱晒同朋友傾住計慢慢燒！------------------------------🍖◖ 120分鐘任食串燒放題◗ $198 p.p.呢個價錢係星期六午市時段三點前入坐，黎食個weekend brunch，就算平日晚市時段都只係$248，性價比嚟講都幾高！每張枱都會有啲醬料同調味粉，佢嘅燒汁甜甜地幾惹味，可以根據自己口味加上孜然、椒鹽同辣粉，串燒嘅風味出晒嚟！❤️▪️ 肉類🥓肉類雞牛豬羊都有齊，大推佢嘅牛舌👅同雞腎，爽脆多汁，而且味道濃郁！豬肉有豬肉眼、五花肉肩胛肉豬大腸；牛肉有和牛牛柳、牛西冷、牛舌、牛肋腩；雞肉有雞腎、雞翼、雞軟骨、雞皮同雞卷；羊肉就有羊肉卷。個人覺得佢嘅牛類幾好食，牛味幾濃郁
串燒放題任食120分鐘，價錢低至$198，可以任食澳洲和牛、紐西蘭牛、黑毛豬同埋其他海鮮、蔬菜串燒，款式多達40款，仲有汽水櫃任飲嘅飲品，仲有得加錢飲啤酒，啱晒同朋友傾住計慢慢燒！
------------------------------
🍖◖ 120分鐘任食串燒放題◗ $198 p.p.
呢個價錢係星期六午市時段三點前入坐，黎食個weekend brunch，就算平日晚市時段都只係$248，性價比嚟講都幾高！每張枱都會有啲醬料同調味粉，佢嘅燒汁甜甜地幾惹味，可以根據自己口味加上孜然、椒鹽同辣粉，串燒嘅風味出晒嚟！❤️
▪️ 肉類🥓
肉類雞牛豬羊都有齊，大推佢嘅牛舌👅同雞腎，爽脆多汁，而且味道濃郁！豬肉有豬肉眼、五花肉肩胛肉豬大腸；牛肉有和牛牛柳、牛西冷、牛舌、牛肋腩；雞肉有雞腎、雞翼、雞軟骨、雞皮同雞卷；羊肉就有羊肉卷。個人覺得佢嘅牛類幾好食，牛味幾濃郁，但係小心唔好燒得太過，燒到七成熟，搽上佢嘅燒汁在燒多一陣就可以上碟，唔係外皮就會太乾～
▪️ 海鮮類🦑
海鮮有蜆肉、鯖魚同多春魚，多春魚真係必試，啱啱燒出嚟外脆內軟，加上椒鹽，真係超級正！
▪️ 丸類🧆
提供唔同嘅丸類同腸類，同樣地燒出嚟都好出色，丸類有魚片頭、墨魚丸、貢丸、魚蛋、蝦卷、魚肉年糕、燒賣同豬肉丸；而腸類就有芝士腸、廚師腸同台灣腸。個人覺得墨魚丸、貢丸、魚肉年糕都好好食，腸類就推薦芝士腸，燒出嚟脆皮爆汁💦，口感味道都好正，但小心會辣到嘴！
▪️ 蔬菜類🥬
其實蔬菜類串燒燒出嚟都幾好食，但奈何平時出面食性價比真係唔高，喺呢度可以食多幾轉都冇問題～😎佢提供豆卜、雞髀菇、翠玉瓜、車厘茄、冬菇、日本甜薯同秋葵。個人覺得要試豆卜、雞髀菇同秋葵，搽埋個醬汁，燒出嚟有啲焦糖嘅感覺，外脆入面好多汁，口感味道都幾好！
▪️ 小食🍍
佢小食類都有唔少選擇，有燒菠蘿、雞蛋仔同棉花糖，作為餐後甜點都唔錯！菠蘿好甜好多汁，見到佢係用新鮮菠蘿切出嚟，幾高質！個雞蛋仔外表好普通，但燒完之後，外面脆脆地入面暖暖哋軟綿綿咁，口感味道都冇得彈！
▪️ 飲品🥤
佢呢度嘅飲品樽裝比較多，有豆漿、檸檬茶、檸檬蜜嗰啲，個人覺得佢飲品都安排得唔錯～
🌟Encore指數：8.5/10
Post
