Video
Read full review
2015-09-02
440 views
今晚收工約左媽媽過大角咀食車仔面，可幸呢度收得夜，去到九點都唔驚無曬ya食姐幫媽子叫左去油豬大腸，清湯牛腩，韮菜豬肉餃加香辣汁既麻辣小辣河粉！個大腸真係無呃我喎，唔肥的！我食大腸既，但平時見到少少肥已覺恐怖，驚左嗰種古怪咬唔開既煙un口感, 呢度唔肥，舊舊都食得，而且煮到夠曬軟淋，偷左媽咪嗰碗好多黎食！牛腩係我好喉一塊塊靚肉，無肥亦無我唔食的筋痴住晒，有點咬口得黎，放在口中一絲絲，啖啖肉，好愛食肉咁食法！豬肉餃都唔錯，皮唔厚，仲幾滑tim.... 而且廚師無貪快煮唔透，因為實在係怕左食嗰d厚皮得來未煮熟難食既餃子！餃入面既豬肉無乜un都要命既肥肉，韮菜都幾香鮮既，而且足料，抵食！河粉好夠滑呀，望落去精螢通透，小店能用上成本較高的來貨來換取高質食物，食客既我真幸福我呢就叫左蒜香黑豚腩片，鹿兒島醬魷魚，麻香榨菜腎片加蒜香醬油汁既綠茶冷面！由於上次黎知道個黑豚腩同魷魚真係好正，所以今晚呢兩樣都要求了打孖上！！嘻…… 返工成日辛苦過後有食神了！YEAH!! 好鍾意食綠茶面，貪佢夠清新，食完涼浸浸透心涼好舒服，而且出面極少有車仔面店有，呢度店仔細細，竟然咁特別會有？！咁一定要叫啦！腩片好香蒜蓉味
今晚收工約左媽媽過大角咀食車仔面，可幸呢度收得夜，去到九點都唔驚無曬ya食姐
幫媽子叫左去油豬大腸，清湯牛腩，韮菜豬肉餃加香辣汁既麻辣小辣河粉！
個大腸真係無呃我喎，唔肥的！我食大腸既，但平時見到少少肥已覺恐怖，驚左嗰種古怪咬唔開既煙un口感, 呢度唔肥，舊舊都食得，而且煮到夠曬軟淋，偷左媽咪嗰碗好多黎食！
牛腩係我好喉一塊塊靚肉，無肥亦無我唔食的筋痴住晒，有點咬口得黎，放在口中一絲絲，啖啖肉，好愛食肉咁食法！
豬肉餃都唔錯，皮唔厚，仲幾滑tim.... 而且廚師無貪快煮唔透，因為實在係怕左食嗰d厚皮得來未煮熟難食既餃子！餃入面既豬肉無乜un都要命既肥肉，韮菜都幾香鮮既，而且足料，抵食！
河粉好夠滑呀，望落去精螢通透，小店能用上成本較高的來貨來換取高質食物，食客既我真幸福
我呢就叫左蒜香黑豚腩片，鹿兒島醬魷魚，麻香榨菜腎片加蒜香醬油汁既綠茶冷面！由於上次黎知道個黑豚腩同魷魚真係好正，所以今晚呢兩樣都要求了打孖上！！嘻…… 返工成日辛苦過後有食神了！YEAH!!
好鍾意食綠茶面，貪佢夠清新，食完涼浸浸透心涼好舒服，而且出面極少有車仔面店有，呢度店仔細細，竟然咁特別會有？！咁一定要叫啦！
腩片好香蒜蓉味，肉質又唔0鞋，厚薄適中，估唔到一間車仔面小店會有黑豚肉食囉！其實份量唔少，但滋味幾片真係唔夠喉
鹿兒島醬魷魚呢個好惹味下，汁料夠芥辣，醒神得來好正！稠稀度又剛好，刺激味蕾的體驗，愈食愈想食，啱曬炎炎夏日，開胃小點！推推推！！！
腎片帶有少少麻辣味，切得唔會過厚而造成難咬咁，亦無將價就貨超薄咁款，大小適中，認真爽口，配上幾爽口而帶有幾分咸奈既榨菜，媽子話好，所以主要留翻俾佢吃，我就試左一兩塊咁大把！
綠茶面口感so fresh，綠茶面向來茶味就不強，雖然這個都一樣，但顏色就好靚，淺草綠，係令人心擴神怡舒服柔和既色系，令我食欲增添不少！！跟面的青瓜塊帶微辣也好脆身爽口！
跟面俾我撈既蒜香醬油汁，有好香既麻油味！店方給了好大的一碟，汁料不過咸，甜甜地清清地咁，撈上冷面好匹配！！
上次黎飲過呢度既自家製6蚊杯豆漿都唔錯，今日黎見到牆上有特別飲品推介，幫媽叫了蜂蜜蘆薈洛神花茶，酸味味，味似酸梅湯咁，先酸後甜！解渴開胃 so good ！
我嗰杯係蜂蜜蘆薈清潤飲，甜甜地，真材實料，真係有d清熱甜涼茶feel wo! 兩杯個底都同樣有丰富既粒粒蘆薈，正！
今次黎先知原來冷熱餸菜都可點落同一個面上，而冷熱餸會另外分開上的，咁就好啲，下次黎可以點上唔同既餸菜，好味不受限制！另外，仲見到溏心旦先6蚊雞，好抵好想試，但飽了只好等下次啦！原來呢度唔淨止係賣面，仲有肉燥飯食，都係38炸!!! 唔知點解，我未食都覺得一定會係好大碗，大件夾扺食嫁姐！都想下次試……
餐廳說小不小，話大唔大，難得既係服務不俗，煮面既店主煮到流曬汗都仲識邊出樓面關心客人，實在少有，小店來說，也真難能可貴！唯一缺點係無洗手間供食客使用囉！
Post
