1
店內有啲舊式鐵閘，霓虹燈等，懷舊得黎又有啲摩登，無論坐邊個位都會看到不同特色的裝置。
① 香煎黑松露手打蓮藕墨魚餅 $108
② 黃金椒鹽粟米 $69
③ 鳳尾蝦多士 $82
④ 芫茜皮蛋鯇魚片濃湯浸時蔬 $98
⑤ 秘製香辣水煮花甲 $128
⑥ 足料家鄉炒銀針粉 $79
四個人叫左三個小食，三個主食，再加埋碗懷舊豬油撈飯 $25，相當豐富！
首推個黃金椒鹽粟米，好味！雖然朋友話比之前響荃灣店食既無咁多黃金，但我覺得呢個味道適中。
墨魚餅幾香松露味，又有口感，好食！水煮花甲亦唔錯，幾多料，仲有粉絲，辣辣好惹味。
蝦多士就普普通通，浸時蔬幾清甜但唔算特別，銀針粉好食但無乜料。
.
整體食物都唔差但又唔算好突出，其實睇菜單仲有好多野想食～下次一定要再搵班三五知己黎開飯！
