Video
Read full review
2023-11-20
338 views
尋日朝早九點幾兩個人去飲早茶，諗住悠閒啲食個早餐，原本感覺尚算良好，食物同環境都唔錯，諗住飲下茶食下嘢坐到11點去接放學就啱啱好。點知坐到10:45左右，就有個阿姐埋嚟同我講只可以坐90分鐘，我睇下張單，原來我9:21入座，但係諗真下，我入座前從來冇人同我講90分鐘要離開，而且我係嚟飲茶，唔係去茶餐廳喎，如果星期日想飲個早茶都要限時限刻，仲算唔算係飲茶呢！不過我都諗住坐到10:55就離開去接放學，於是就費時出聲。點知到10:51，另一位阿姐就過嚟「趕」我哋走，語氣同態度都好唔客氣。其實當時我都執好晒袋，差唔多要走，但係估唔到呢4分鐘對佢哋係咁緊要，又話咩繁忙時間90分鐘（其實從來冇同我哋講過有呢條規矩，淨係話門口有寫），又話出面排隊。我雖然覺得好受氣，但係唔想同佢嘈，淨係諗住一陣埋單同收銀反映下就算，希望佢哋注意下對客人嘅態度。點知原來佢哋非常團結，又話唔知邊個，又話聽唔到，連講聲唔好意思都冇，仲話好少客人好似我哋咁，嗰種不屑同唔尊重，相信周圍嘅客人都聽得出。既然人哋成間舖咁團結，我都唔講咁多，決定直接問佢職員姓名向公司投訴就算，嗰位聲稱自己係全店唯一姓麥嘅員工仲好豪氣咁話隨便投訴，冇
不過我都諗住坐到10:55就離開去接放學，於是就費時出聲。
點知到10:51，另一位阿姐就過嚟「趕」我哋走，語氣同態度都好唔客氣。其實當時我都執好晒袋，差唔多要走，但係估唔到呢4分鐘對佢哋係咁緊要，又話咩繁忙時間90分鐘（其實從來冇同我哋講過有呢條規矩，淨係話門口有寫），又話出面排隊。我雖然覺得好受氣，但係唔想同佢嘈，淨係諗住一陣埋單同收銀反映下就算，希望佢哋注意下對客人嘅態度。
點知原來佢哋非常團結，又話唔知邊個，又話聽唔到，連講聲唔好意思都冇，仲話好少客人好似我哋咁，嗰種不屑同唔尊重，相信周圍嘅客人都聽得出。既然人哋成間舖咁團結，我都唔講咁多，決定直接問佢職員姓名向公司投訴就算，嗰位聲稱自己係全店唯一姓麥嘅員工仲好豪氣咁話隨便投訴，冇諗過息事寧人。
過程中，我當然唔係完全冇話返佢，但係絕冇人身攻擊或者講粗口，都係講道理啫。同埋，叫人走可以客氣啲嘅，唔使做到拍戲啲保安咁，用好唔客氣嘅態度講一啲扮晒客氣嘅說話，有用咩？仲衰過唔講！
人哋地頭，講都冇用，於是埋單走人，點知臨行出到門口，仲要俾人醒多句「快啲走添呀」，睇得出佢哋係幾唔甘心，連尾彩都要攞埋。出到門口，我先發現其實門口係冇人排隊。佢哋咁緊張要趕客走，連幾分鐘都容不下，到底為咗啲乜？
之後走咗幾分鐘，我又路過舖頭門口，就專登望吓係咪有告示寫明90分鐘呢個限制。發現有張紙寫住繁忙時段用膳時間為90分鐘，但係又冇寫清楚幾時係繁忙時間，即係任由員工隨意解釋？
點知睇睇下，入面又有另一位阿姐認得我，仲好熱情咁嗌出嚟「慢慢欣賞啦」，我真真正正感受到呢間舖確實係上下一心，老闆有呢班咁齊心嘅員工真係好難得，將來一定越做越出名。
最後，要真心稱讚一下店內嘅年青戴眼鏡男員工，有禮周到，好難得冇同流合烏，希望佢繼續保持咁好嘅工作態度，將來一定會有更好嘅發展空間。
Post