Video
Read full review
2021-04-20
2055 views
悄悄食堂驟眼睇落樸實嘅店面，留心啲睇其實滿滿職人手工構成嘅細節。Logo設計加入佐interior用上嘅木樑交疊細節、鐵字招牌、木材樑柱簡潔嘅結構線條...一直延續到室內空間嚟劃分區域。最為人熟悉應該就係寬闊嘅塌塌米，用佐日本製帶草香嘅燈芯草。佢嘅草香聞到會有種舒心嘅感覺🍃☺️較入面嘅區域分別有bar枱及2至6人嘅餐桌一直由粗木木材及一幅接住一幅嘅水泥牆身連接住整個空間。.悄悄食堂主打和式料理，簡單直接嘅A、B、C餐配上悄悄食堂自家製嘅米糠漬物配菜。食落就會知時間同心思都放係menu背後嗰份用心經營。.咁啱大家都各有喜好，同行4人都點佐唔同嘅定食😚正如上面提過，悄悄食堂用自家管理嘅米糠床製成米糠漬配菜。今次係米糠漬嘅大根，酸味頗突出食落更清爽解膩。當季本地種植嘅小菜係帶微咸嘅厚肉質感大啡菇🍄北海道夢美人米煮好嘅飯軟硬適中，米粒飽滿帶黏性。無特別要求多/少飯，份量都好夠食得好滿足。.A. 烤三文魚幽庵燒定食 $148幽庵燒係懷石料理入面會有嘅其中一道菜式。入口前聞到柚子清新嘅香氣同埋些微醬酒咸香。用上刺身級嘅三文魚，所以唔會燒得好熟。肉質非常厚實亦帶較多油脂，正中間亦做到剛好熟嫩。(如果怕
驟眼睇落樸實嘅店面，留心啲睇其實滿滿職人手工構成嘅細節。
Logo設計加入佐interior用上嘅木樑交疊細節、鐵字招牌、木材樑柱簡潔嘅結構線條...一直延續到室內空間嚟劃分區域。
最為人熟悉應該就係寬闊嘅塌塌米，用佐日本製帶草香嘅燈芯草。佢嘅草香聞到會有種舒心嘅感覺🍃☺️
較入面嘅區域分別有bar枱及2至6人嘅餐桌一直由粗木木材及一幅接住一幅嘅水泥牆身連接住整個空間。
.
悄悄食堂主打和式料理，簡單直接嘅A、B、C餐配上悄悄食堂自家製嘅米糠漬物配菜。食落就會知時間同心思都放係menu背後嗰份用心經營。
.
咁啱大家都各有喜好，同行4人都點佐唔同嘅定食😚
正如上面提過，悄悄食堂用自家管理嘅米糠床製成米糠漬配菜。今次係米糠漬嘅大根，酸味頗突出食落更清爽解膩。當季本地種植嘅小菜係帶微咸嘅厚肉質感大啡菇🍄
北海道夢美人米煮好嘅飯軟硬適中，米粒飽滿帶黏性。無特別要求多/少飯，份量都好夠食得好滿足。
.
A. 烤三文魚幽庵燒定食 $148
幽庵燒係懷石料理入面會有嘅其中一道菜式。入口前聞到柚子清新嘅香氣同埋些微醬酒咸香。用上刺身級嘅三文魚，所以唔會燒得好熟。肉質非常厚實亦帶較多油脂，正中間亦做到剛好熟嫩。(如果怕生都可以要求燒熟少少，都不訪相信個廚司試佐個生熟度自己接唔接受到先☺️)
.
B. 麥味噌豚汁 & 豚角煮定食 $128
鍾意食肉嘅我點佐呢個充滿肉肉嘅定食🤤麥味噌味道配五花腩片味道偏咸，配埋個飯食一流。昆布鰹魚高湯煮到入晒味嘅蔬菜 (特別係日本大根)食落有種清爽嘅感覺，即使係五花腩片嘅脂肪層都係略帶爽口。
豚角煮相反係偏甜嘅味道，與豚汁剛好影成對比。軟淋嘅沖繩黑毛豬非常入味，雖然脂肪比例都接近一半但加入佐茶菜煮真係唔太膩口😳
.
C. 田樂味噌燒日本茄子嫩豆腐丼(素) $120
不得不講呢個真係好好好食！茄子上面搽上滿滿嘅味噌醬、三溫糖燒至醬汁收乾嘅狀態🤤利用日本茄子皮薄、容易吸收醬汁嘅特性，燒到內軟而入味外皮帶微脆香嘅食感咸香好出又帶些少三溫糖嘅甜。有機黃豆嘅豆腐非常嫩滑重豆香，面層淋上高湯味道偏咸亦都好送飯🍚
.
悄悄食堂所有嘅甜品都係由幾間本地ig shop提供，集合佐唔同類型可供選擇。當日book佐1330嘅時間食lunch，有5款嚟自3個品牌嘅甜品選擇。不過記得有睇啱嘅就預留佐先，因為好快就賣晒！入座時店員都有好細心咁提一提(不過都唔好太貪心咩都留佐先，可以留返啲下次再試☺️)
.
今次試佐2款分別嚟自日光工作室solight.studio以及homedo嘅出品
.
SOLIGHT • 印度茶忌廉戚風 $65
戚風蛋糕非常非常非常之咁鬆軟！帶淡淡嘅印度茶味，香料味食落自然但唔係好突出。個味濃啲會好食啲，宜家個味食落太light。中間個cream嘅texture同味道好輕盈，就算咁太嚿cream食佐都唔太有罪惡感亦先全唔膩🤤
.
HOMEDO • 肉桂蘋果日式芝士蛋糕 $65
蘋果大大粒食落好滿足，雖然係肉桂焦糖煮過嘅蘋果但依然帶爽口。日式芝士蛋糕感覺好似實佐啲，但食落都好滑好creamy。整體味道甜佐啲，cheese cake部分感覺可以減返少少甜就好啦🤏🏻
.
飲品方面悄悄食堂以茶為主軸，有抹茶、冷泡菜、特調類別飲品選擇。
.
日本 日向夏 本地蜂蜜梳打 $64
天氣越嚟越熱飲我揀佐感覺清爽啲嘅梳打，果汁嘅酸甜加上滋潤嘅蜂蜜。蜜柑果肉比例接近成杯嘅一半，足料又好飲！
.
台灣 手工黑糖 熱牛奶配肉桂條 $45
朋友飲完呢杯讚口不絕，所以我都拎佐嚟試兩啖🤣
熱牛奶嘅溫度飲落好舒服，微微嘅黑糖甜度適中。用埋肉桂條當飲筒，啲肉桂味一路慢慢散出嚟。
.
So far由interior, 氣氛, 食物, 飲品以及服務都做得好好，食得好舒適好滿足嘅一餐飯🥰
.
Reviews入面食物方面有好多都係聽店員講解得知嘅
希望大家係品嘗美食、打卡之餘都好好咁欣賞吓室內設計嘅部份！一間餐廳食物固然重要，但室內空間設計係帶領住整體空間氛圍。當然亦有其他細節例如燈光、音樂、食器質感等都會影響😉
悄悄食堂係細節上可謂盡善盡美。睇佢哋嘅ig永遠都有種舒心嘅感覺，知道更多店舖嘅意念同構成細部。
相比起打卡，了解店舖背後嘅意念其實更為有趣。
.
提吓你👇🏼
記得預先網上訂位喎 (link in their bio. )
逢星期一 12點就會開放嗰個禮拜嘅預約。
如果book唔到可以早啲去試吓walk-in
.
記得揀好對靚襪著呀，衛生問題無著襪唔比坐塌塌米㗎！🤫
Post
