佢位置好方便，去到上面夠晒舒服，空間感十足，呢度除咗涮羊肉之外，串燒都係呢度嘅賣點😉嗌咗啲串燒再打邊爐，而串燒不可不提係佢嘅白鱔同埋扇貝，真係好新鮮同埋扇貝亦都調味相當適合，十分彈牙😋
打邊爐就叫咗個卜卜蜆湯底，每隻蜆都10分飽滿，而且每隻都開到口，證明咗係十分新鮮，佢嘅招牌就係羊肉，有唔少部位可以選擇，但我哋梗係嗌晒全部嚟試，每款肉類都各有千秋，而我最鍾意食嘅係羊上腦同埋高鈣肉，羊上腦10分嫩滑，奶香味非常濃郁係我食過所有羊肉之中最能代表羊嘅味道😚而高鈣肉就非常有趣，佢肉與肉之間有條軟骨，有＂脆＂有趣😉
其他食物都非常高質，但不能夠詳細一一敘述，呢一餐我哋嗰個都非常滿意，可以閑時都嚟一次聚一聚😆😆
