可可店 (聯威新樓)

Open Now

Now Closed

呢間店在西環及大學冇人不識，而且亦是我十多年前經常幫襯的食店。(因為就在屋企樓下)不過自從搬遠咗(其實過兩個街口)同埋番工時間固定， 已經好幾年冇幫襯過。 今日因緣際會去完「老鼠樂園」番嚟西環已經晚上十點幾，又唔想食M記，就嚟咗呢度食！多年冇變嘅招牌拿手食品~腸粉炒蛋。價錢公度，用鐵板炒，夠香夠熱， 唔係講大話， 每枱都會點一碟。 生炸雞髀~皮香、肉夠熟，唔會有血水，味道適中。 牛腩飯~肉夠多、牛根夠腍， 但相比同一條街另外一間粉麵店， 牛腩便比下去。因為人家用的是牛坑腩， 價錢一樣， 所以被扣了少少分， 但牛腩汁撈飯好好味 太太食牛筋河，足料冇欺場， 四樣嘢夾埋剛剛花費一條「紅衫魚」。 抵食飽肚冇詐型， 就係我畀呢間店嘅評語！