K2 Kitchen (Closed)

聖誕正日食飯俾人擋就預左啦，不過對食物質素同個別員工服務有失望。首先講頭盤，鴨肝，覺得都唔錯，可以再煎得脆口小小。龍蝦湯有蝦用，咸左小小。重點羊架，五成熟切出嚟似三成，佢話係慢煮，唔香口，似烚羊肉多，切開叫佢再煎過都唔香口，好失望。甜品唔好食。其中一個女員工黑口黑面，放餐具求其放，我地食完d 龍蝦攞喺枱佢冇清理不特止，上個甜品就咁放喺d 龍蝦殻上面就算，食個晚飯五舊水換呢d 服務實在失望。不過有個男員工服務態度都唔錯，見我地對份羊架唔滿意都主動提出問我地洗唔洗點過其他主菜。