炑八韓烤 (歐亞銀行大廈) (Closed)

見到餐廳已經率先推出期間限定聖誕套餐，叫做名品豬扒wee嘩聖誕夜套餐，等我都叫來試吓，賣相好吸引！〈名品大王豬扒〉🥩🐷賣相好吸睛，因為一大塊已經醃製過嘅豬扒完整咁放喺碟上,店員教我地成塊放喺爐上面先,然後慢慢剪成一塊塊,醃料醃得好夠味,煎一陣已經好快熟透。〈各式肉類拼盤〉🥩🐷🥓🐮🦐而呢個套餐仲有包括一個拼盤，包括有蔥蒜牛五花、和牛肩肉、醬油豬五花、雞頸肉、紅蝦。而我比較推介嘅係和牛肩肉同埋雞頸肉,和牛肩肉油脂分布平均,可以做到入口即溶,而雞頸肉因為出邊比較少食到,貪新鮮嘅我覺得個質感同味道都幾唔錯。〈特級牛肋骨〉🥩🐮醃料上同大王豬扒差不多，但係味道上就好大分別，牛肋骨牛尾好香，食起上嚟啖啖肉，份量亦都唔少。〈紅豆沙冰〉🥤〈青檸梳打〉🍹紅豆沙冰對我來講都幾新鮮嘅一款飲品，平時飲紅豆冰就飲得多，但原來整成沙冰飲落都幾清涼，而且有啲碎冰都幾有咬口。而青檸梳打飲落唔太甜，酸酸地，令到成餐飯都好開胃。