Video
Read full review
2018-12-28
1586 views
之前食過大喜屋、樂天大喜屋同極尚大喜屋，今次就趁聖誕去試一試價錢最貴既殿大喜屋(午市放題: 12pm-3pm)。個人覺得殿大喜屋貴就貴在：任食鮑魚、和牛、貴價甜品(haagen daz, movepick)；任飲紅酒白酒、清酒梅酒，仲有咖啡機提供。如果你對尼幾款食物/飲品有特別追求，俾貴d既價錢食殿大喜屋係絕對值得。平時放題既環境都比較暗，殿大喜屋既環境就好光猛，令人感覺精神d。花雕醉鮑魚鮑魚係迷你size(以任食而言可以接受)，一夾起隻鮑魚就聞到濃烈既花雕味，雖然我唔好花雕，但食鮑魚感覺會回本d。和牛薄燒成個放題最推介就係和牛薄燒。經過見到廚師係一片一片咁燒已經覺得吸引。將薄切既和牛沾埋醬汁一齊放入口中，充滿淡淡既牛味，非常嫩口，超正，食左2份。海膽手卷海膽手卷係出面自取，都幾有海膽味，唔係低質既。Size係正常手卷size，海膽份量合理。但食放題既話，正常size既手卷係會令之後既戰鬥力下降，如果手卷細件d會開心d(雖然我地每人都食左3件)。牌上標明海膽手卷係限量，但2點左右仲有得拎。刺身正常。雖然有蟹腳，但放題既蟹腳同自助餐既真係唔同級數，麻麻。燕窩花之戀同普通花之戀分別唔大，唔
平時放題既環境都比較暗，殿大喜屋既環境就好光猛，令人感覺精神d。
花雕醉鮑魚鮑魚係迷你size(以任食而言可以接受)，一夾起隻鮑魚就聞到濃烈既花雕味，雖然我唔好花雕，但食鮑魚感覺會回本d。
和牛薄燒成個放題最推介就係和牛薄燒。經過見到廚師係一片一片咁燒已經覺得吸引。將薄切既和牛沾埋醬汁一齊放入口中，充滿淡淡既牛味，非常嫩口，超正，食左2份。
和牛薄燒
44 views
0 likes
0 comments
海膽手卷係出面自取，都幾有海膽味，唔係低質既。Size係正常手卷size，海膽份量合理。但食放題既話，正常size既手卷係會令之後既戰鬥力下降，如果手卷細件d會開心d(雖然我地每人都食左3件)。牌上標明海膽手卷係限量，但2點左右仲有得拎。
刺身正常。雖然有蟹腳，但放題既蟹腳同自助餐既真係唔同級數，麻麻。
燕窩花之戀同普通花之戀分別唔大，唔係好食得出有燕窩。
黃金蟹膏伴松葉蟹散壽司係餐牌上見到覺得幾特別，但其實同蟹膏蟹肉壽司無乜分別，只係賣相睇落奢侈d，壽司飯略嫌太多，一般。
其他壽司、卷物、一品料理、燒物同天婦羅等等都正常。平時午市放題係$268/位，聖誕節期間收費有所調整，我地當日食係$288/位。不過我同"友人"都唔好酒類，貴價甜品都係一杯起兩杯止，最鐘意都只係和牛，所以都未必會再來。(個人口味: 3.7+3.7/10)
Post
