滾得囍宮廷火鍋小炒 (Renamed) View

媽媽話今晚想打邊爐，我就揀左呢間滾得囍同佢試下，一坐低店員就會送上小食，可以一路食一路睇下叫咩食，小食有花生，蕎頭，木耳，酸菜，酸酸甜甜好開胃。吳三桂冬瓜瑤柱脯鍋 $198嘩嘩嘩，好靚啊，即係影相先，店員會幫手切開冬瓜，材料仲有帶子，蟹柳，勝瓜，瑤柱，湯底好鮮甜。御膳房秘製魚滑雙拼 $128我地叫左黑松露墨魚滑，手打蟹子蝦滑，2隻都好好食，爽口彈牙。韮菜豬肉餃 $62足料，唔會太咸，好多汁。萵荀 $58切到好薄，好快就食得，好脆身。蜂巢豆腐 $58吸收湯汁好正。加多寶 $25打邊爐必點！清下熱。