Video
Read full review
2022-07-01
271 views
次次去都要排成個鐘先食到，但唔知點解耐唔耐就想食佢😂天氣熱嘅時候排隊都幾辛苦，冇冷氣又焗。但佢比起其他米線舖頭係幾有特色嘅，麵類竟然有銀針粉揀，不過成日去都冇晒，而家醒目問咗佢有先排隊。餸都好有特色，有酥炸雞球、魚肉響鈴、蝦膠豆卜等等好多選擇。聽講係逐碗煮，好有誠意。今次試嘅餸係蒜香椒鹽雞翼，外皮炸到脆卜卜，撒咗適量炸蒜椒鹽，辣辣哋好香口，入面啲肉好嫩滑，碗麵未嚟已經食咗兩隻🤤而麵底就揀咗麻酸湯小辣銀針粉，佢個麻辣真係超麻，食到嘴唇都麻痺晒，正呀！而銀針粉軟硬適中又入味，而且好少地方有得食，所以我十分推介👍🏻
今次試嘅餸係蒜香椒鹽雞翼，外皮炸到脆卜卜，撒咗適量炸蒜椒鹽，辣辣哋好香口，入面啲肉好嫩滑，碗麵未嚟已經食咗兩隻🤤
而麵底就揀咗麻酸湯小辣銀針粉，佢個麻辣真係超麻，食到嘴唇都麻痺晒，正呀！而銀針粉軟硬適中又入味，而且好少地方有得食，所以我十分推介👍🏻
29 views
0 likes
0 comments
9 views
0 likes
0 comments
Post
