蝦麵店 (蘭杜街) (Moved) New Location

啱啱出黎做嘢果時係灣仔番工，耐唔耐就會黎蝦麵店lunch，果時己經出晒名老闆娘態度差，但係啲麵湯底真係幾好味既原故，我哋都會照黎食，食完就走，唔好坐咁耐。幾年後重回灣仔，黎番呢度食，老娘態度依舊，座位依舊爆滿，唔同係，多左遊客慕名而來，有外國人、有韓國人。我叫番食開既辣味蝦肉雞絲摻摻，摻摻即係油麵加米粉，湯底依舊香濃，跟大大隻開邊蝦、豆腐卜、芽菜、雞絲，少少辣，油麵彈牙，米粉又吸收左少少湯，成碗麵都非常惹味！都係果句，黎呢度食嘢，唔好問咁多嘢，食完好走。