Video
Read full review
2025-05-19
98 views
老荔冰室．懷舊冰室 夠晒老黎！最近同朋友又去左搵老黎野！老荔冰室！講真，香港冰室多到數唔晒，但呢間真係由裝修到食物都「老荔」得嚟又夠晒「貼地」，仲要性價比爆燈，難怪開業無耐已經成為荔枝角街坊同OL嘅飯堂，連健身猛男都專登過嚟幫襯！先講環境：戲棚龍鳳牆，打卡打到手軟一入門口就俾佢個戲棚簷篷設計吸引住，紅燈、舊式鐵閘花紋，仲有牆身大大幅龍鳳雕刻，完全係將香港七八十年代情懷搬咗入舖！最抵死係連杯碟都印住啲港式金句同謎語（坐低未食已經瘋狂影相。老闆明顯唔係淨係賣食物，仲賣緊份集體回憶！飲品篇：奶茶紅豆冰 x 阿華田火山「奶茶紅豆冰」絕對係驚喜之作！奶茶茶底夠厚，紅豆煮到起沙但唔會過甜，兩者撞埋一齊竟然出奇地和諧，飲落有層次得嚟又解膩，配濃味主食一流。至於朋友encore嘅「阿華田脆脆火山」，賣相已經贏晒——杯面堆滿阿華田粉同脆脆，撈勻後每啖都係童年回憶，甜度剛好唔會齁喉，飲完成杯都唔覺滯。老闆仲好細心提供少甜option，抵你紅！主食篇：花膠雞湯米線 vs 增肌蒟蒻麵作為食肉獸，首推「花膠雞阿媽足料雞湯米線」！一上枱就聞到陣濃郁雞味，湯底真係冇偷工減料，飲得出老火雞湯嘅甜味，花膠厚身又彈牙，雞
最近同朋友又去左搵老黎野！老荔冰室！
講真，香港冰室多到數唔晒，
但呢間真係由裝修到食物都「老荔」得嚟又夠晒「貼地」，
仲要性價比爆燈，
難怪開業無耐已經成為荔枝角街坊同OL嘅飯堂，
連健身猛男都專登過嚟幫襯！
先講環境：戲棚龍鳳牆，打卡打到手軟
一入門口就俾佢個戲棚簷篷設計吸引住，
紅燈、舊式鐵閘花紋，仲有牆身大大幅龍鳳雕刻，
完全係將香港七八十年代情懷搬咗入舖！
最抵死係連杯碟都印住啲港式金句同謎語（
坐低未食已經瘋狂影相。
老闆明顯唔係淨係賣食物，仲賣緊份集體回憶！
飲品篇：奶茶紅豆冰 x 阿華田火山
「奶茶紅豆冰」絕對係驚喜之作！奶茶茶底夠厚，紅豆煮到起沙但唔會過甜，兩者撞埋一齊竟然出奇地和諧，飲落有層次得嚟又解膩，配濃味主食一流。
至於朋友encore嘅「阿華田脆脆火山」，賣相已經贏晒——杯面堆滿阿華田粉同脆脆，撈勻後每啖都係童年回憶，甜度剛好唔會齁喉，飲完成杯都唔覺滯。老闆仲好細心提供少甜option，抵你紅！
主食篇：花膠雞湯米線 vs 增肌蒟蒻麵
作為食肉獸，首推「花膠雞阿媽足料雞湯米線」！
一上枱就聞到陣濃郁雞味，湯底真係冇偷工減料，
飲得出老火雞湯嘅甜味，花膠厚身又彈牙，
雞肉仲要係去皮嫩雞髀肉，啖啖肉唔黐牙。
米線索盡湯汁，食完成個人都暖笠笠，女人補膠原，男人補體力，正！
不過全場最驚喜反而係佢個「增肌減脂手撕雞清湯蒟蒻麵」！
睇餐牌寫住「約35g蛋白質」已經雙眼發光，
手撕雞份量多，蒟蒻麵爽口零負擔，
湯底清甜唔油膩，絕對係健身人士恩物。
我坐低半個鐘，已經見三四個大隻仔柯打，
果然係隱藏版增肌食堂！
其他主食如滑蛋蟹肉飯（蛋漿流心，蟹肉鮮甜）
同鮮蝦餅酸辣米線（蝦餅彈牙，酸辣湯醒胃）都水準之上，
老荔冰室呢碟滑蛋蟹肉飯，真係落足本用真·蟹肉！
一啖舀落去，見到一件件嘅蟹肉，
唔係啲溝咗粉嘅假貨，仲要大大件，夠鮮甜！
重點係個滑蛋，師傅火候控制得啱啱好，
蛋漿半凝固狀態，嫩滑到好似絲綢咁溜入口，
完全唔會過老或者出水。蛋香濃郁，
撈埋啖啖蟹肉同熱辣辣白飯，絕對係良心之作
個鮮蝦餅酸辣米線真係必試！
首先，個鮮蝦餅絕對係亮點——超·級·彈·牙！
一咬落去，蝦肉嘅鮮甜即刻湧出嚟，
質感爽脆，完全冇溝多餘嘅粉漿，真材實料！
外層煎到金黃，帶少少焦香，入面依然保持juicy
老荔冰室最難得係「有gimmick但唔hea做食物」，
由湯底到配料都睇得出落足心機，價錢仲要貼地
好食又低食
餐廳：老荔冰室
地址：荔枝角青山道495號誠信中心地下1號舖
Post
