Video
2-min walk from Exit C, Lai Chi Kok MTR Station
continue reading
Telephone
23303008
Opening Hours
Today
07:00 - 21:00
Mon - Sat
07:00 - 21:00
Sun
11:00 - 18:00
Above information is for reference only. Please check details with the restaurant.
Video
Photos
雜果賓治+$8 & 阿華田脆脆火山+$8
+3.2K
+252
Recommended Dishes
今日來到好有💠懷舊港風💠茶餐廳《老荔冰室》🥢花膠雞阿媽足料雞湯米線🍜 $72又足料又大塊花膠，杞子，蟲草花，雞肉也多。雞湯好濃又落重料，飲得出好有層次，味道非即食雞湯👍好有媽媽煲的用足心機煲靚湯的感覺🥰🥢增肌麻辣手斯雞🐓 $48手斯雞肉厚肉口感又滑，寫明大約有250g 和 65g蛋白質，啱曬想增肌減脂健身人士🏋♀️⛹️♀️🧘♀️，選左好惹味麻辣醬，味道更出色👍🥢滑蛋沙嗲牛飯🍛 $72是店的招牌之一，牛肉一D都吾韌非常嫩口。精華係沙嗲汁，甜中帶少許麻味，上面有花生粒和蔥粒， 融合埋蛋和飯，真係超好味。🥢芝心蝦多士配米線🦐🧇 $58即叫即製，香港經典小食。金黃酥脆的芝心蝦多士，中間夾著流心芝士， 一定要趁熱食呀😋。🧇金莎朱古力流心西多士 $52這個超有創意又邪惡嘅多士🤩好有驚喜。多士炸得金黃而上面鋪滿香脆金沙和朱古力醬，中間也有流心🍫朱古力醬，本身好喜歡食金沙朱古力，作最後甜品非常滿足😋。🍹雜果賓治 $26大大杯又多雜果🍹椰汁紅豆冰 $26港風經典情懷特飲👍好香椰汁奶和大大粒紅豆，口感又滑又唔會太甜，夏日必點之選🌞餐廳門口有霓虹燈十分吸引，內面也有以前酒樓龍鳳牆，好多打卡位。而餐廳播放著香港80和90年代 時代曲🎶好好聽十分懷舊☺️老荔冰室📍荔枝角青山道495號誠信中心地下1號舖#老荔 #老荔冰室 #LoLaicafe#荔枝角好去處 #荔枝角美食#沙嗲牛肉#花膠雞 #椰汁紅豆冰 #雜果賓治 #芝心蝦多士 #金莎朱古力流心西多士 #滑蛋沙嗲牛飯
continue reading
呢晚同幾個朋友一齊嚟咗呢間喺荔枝角嘅冰室食晚餐🤣$72「花膠雞阿媽足料雞湯米線 (原味）」：花膠有一片勁大片，煙靭、軟熟，好味🤣；雞件總括嚟講肉質軟熟好雞味🤣；米線就夠晒滑🤣；咁大片花膠，唔怪得知叫「阿媽足料」，即係阿媽一般係唔會呃你嘅🤣$48「增肌蔥油手斯雞250g淨食」：手撕雞啖啖肉又係幾好雞味，餐牌寫住 250g手撕雞肉大約有65g蛋白質🤣；仲有秘製蔥油可以沾手撕雞食咁就更加好味🤣$72「滑蛋粒粒蟹肉飯」：真係有好多蟹肉，童叟無欺，貨真價實，抵讚🤣；蟹肉配埋滑蛋再配埋醬油撈飯食，好夾又好食🤣；咁多蟹肉，再次證明「阿媽落足料係唔會呃你」🤣$58「芝心蝦多士配酸辣米線」：蝦多士勁大塊，外邊脆脆哋，裏邊有一層芝士一層蝦膠，整體香口好好食🤣$38「麻麻哋豬扒」：豬扒勁大塊，好多肉，香口好味道🤣$28「特厚三文治🥪厚蛋拼厚午餐肉」：絕對冇改錯名，午餐肉好厚，炒蛋都厚，食落感覺幸福，就好似日本人經常掛喺口邊嘅 しあわせ 咁樣🤣，真係しあわせ ですね🤣跟餐加 $8「無糖檸檬可樂」：凍冰冰嘅可樂加埋檸檬就梗係好飲啦🤣跟餐加 $8「椰汁紅豆冰」：好香椰汁味🤣跟餐「金牌奶茶（熱）」：熱辣辣夠晒滑🤣我哋幾個人食得又飽又滿足😌
continue reading
我今日要推介依個高質冰室‼️‼️‼️款款食物都幾有水準🤤首先要介紹依個「滑蛋粒粒蟹肉飯」真係震撼我的眼球😍蟹肉都好慷慨，滑蛋又整得靚，帶有微微嘅蛋汁👍熱辣辣食真係好鬼正！依款飯真係好少餐廳整到咁，簡直係大開眼界🤤正！第二就係一定要介紹呢個「花膠雞阿媽足料雞湯米線」🥰聽到個名都已經知好補🤣女士恩物，大大嚿花膠入口滑溜溜，配上多舊雞件，啲雞都好滑添！配埋濃郁嘅雞湯，真係好有老媽子煲嘅感覺🥹湯都可以飲埋🤣食完真係覺得補晒😍大推，呢個價錢食到咁高質既野簡直抵到爛！第二碗要介紹嘅係芝心蝦多士米線🥹個芝士蝦多士好大份而且裏面真係好芝心架！鍾意香口嘅人士，一定會鍾意依個😬增肌減脂手撕雞水晶粉真係非常健康！相信亦都係健身人士嘅最愛🤣完全冇罪惡感，手撕雞亦都幾嫩滑，真係健康人士嘅選擇🥰嚟到冰室梗係唔少得紅豆冰啦！必叫的吧😆粒粒大紅豆配上香滑既花奶，又唔會太甜，又大杯，真係好出色👍最後當然要叫返個甜品先至滿足㗎嘛🥹所以我哋叫咗又係餐廳好出名又邪惡嘅「金沙朱古力流心西多士」🍫🤤 西多士炸得金黃，外脆內軟，面層已經鋪滿豐富嘅脆金沙同朱古力醬，內裏嘅金莎流心好正🤤呢個甜品口感好豐富🤣真係要大讚餐廳，食物份量好慷慨👍👍👍依個價錢對得住！Like
continue reading
老荔冰室 Lo Lai Cafe📍荔枝角青山道495號誠信中心地下1號舖近幾個月被老荔冰室瘋狂式洗版，唔洗特別做research都可以由ig posts同reels察覺佢嘅特色—傳統、港式、地道、懷舊。除咗裏裏外外嘅霓虹燈裝置、盞鬼生動嘅港式用語、「即日上映」嘅舊式海報等，老荔sell嘅地道而不失創新嘅港式茶記美食。趁住五一黃金週，我同朋友決定一試呢間排隊新店，感受懷舊氣氛之餘，好好打卡一番。 💰$40餐肉炒蛋熱香餅漢堡 🍔餐蛋治食得多，有無食過餐蛋Griddle呢？幾乎每一檯都有點嘅熱香餅漢堡，將各種食材疊加喺一齊，賣相已經好掂。而且老荔嘅炒蛋非常滑身，口感豐富，基本係百搭嘅食材。趁熱食，griddle 外脆內軟，餐肉焦脆鹹香，炒蛋滑嫩柔軟，成個組合簡直無得彈。 💰$54沙嗲牛肉西多士 🥪想有多啲驚喜，可以試下沙嗲牛肉西多士。切開金黃酥脆嘅西多士，入而係滿滿嘅沙嗲牛肉，又係一個新奇好味嘅鹹甜組合。老荔嘅沙嗲牛肉以特製醬汁醃製，食落唔會食鹹，而且帶有少少甜味，再加上傳統食西多士會落嘅楓糖漿，絕對係一道具有本地風味特色小食，為視覺同味覺帶嚟雙重享受！ 💰$34生炸雞脾 🍗其實我好少食炸脾，不過一場嚟到，當然要試吓拳頭咁大嘅炸脾啦！炸俾外皮超級無敵脆，雞肉鮮嫩多汁，特別適合鍾意酥脆口感或炸雞嘅朋友。 💰$72滑蛋招牌沙嗲牛肉飯 🧆除咗上面嘅小食，我哋仲叫咗招牌滑捋捋套餐—滑蛋招牌沙嗲牛肉飯。呢碟飯真係架勢，雖然只係簡單嘅兩種食材加埋，但係就有意想不到嘅效果。滑蛋本身已經好好味，朋友話加埋沙嗲牛肉，等同將味道昇華，發現原來沙嗲牛肉唔一定係配麵先好食㗎！ 💰$65麻麻地豬扒酸辣米線 🍜好多人嚟到老荔都會點嘅，仲有麻麻地嘅酸辣米線。湯底帶少少酸辣，味道非常開胃，配上一大塊厚炸豬扒，外面香口酥脆、內裏肉質緊實多汁，啖啖肉大滿足！因為已經有好多肉嘅關係，我哋選擇咗滑蛋做配料，加埋滑捋捋嘅米線，吸晒湯底精華，食落非常順口，風味滿滿。 💰$26 (跟餐 +$8) 阿華田脆脆火山 🌋這款甜品的外觀十分吸引，Ovaltine的獨特口感搭配脆脆的小塊非常好吃，讓人懷舊又幸福，推薦！ 💰$26 (跟餐 +$8)椰汁紅豆冰 🫘另一本土招牌椰汁紅豆冰清新解暑，椰汁味香醇，紅豆大大粒又夠晒甜，為今餐畫上一個完滿嘅句號。
continue reading
行過長沙灣，見到有個戲棚裝飾，原來係間餐廳嚟嘅😂唔止餐廳門面有特色，入面仲有幅龍鳳牆，提供嘅食物係新派嘅茶記嘢食，真係勁有香港特色😎滑蛋沙嗲牛肉飯呢個飯令人好滿足啊，上面有餐廳炒嘅滑蛋同埋招牌嘅沙嗲牛肉，沙嗲味道勁香，送飯一流，沙嗲牛肉味道偏甜，亦有好香嘅花生味🥜 如果鍾意食沙嗲牛肉嘅話，都幾推介大家嗌呢一個飯。麻麻地豬扒麻辣米線呢一個豬扒米線嘅湯底可以揀酸辣或者係麻辣，個人比較喜歡麻辣嘅湯底，食落口好惹味🌶️ 配料方面，除咗係分碟上嘅豬扒之外，仲可以揀一款配料，我哋就揀咗太陽蛋🍳 豬扒唔算太薄，食落去肉質幾有口感，又唔會太柴🐷生炸雞髀每次去茶記都會好想食炸髀🍗 呢度嘅炸髀冇得輸呀，夠晒大隻，入面仲幾嫩口。沙嗲牛肉西多士除咗有傳統嘅西多士之外，餐廳仲特別有呢個沙嗲牛肉做餡料嘅西多士，外觀同平日食開嘅冇乜分別，都係有片牛油喺面，同埋側邊有糖漿可以點🧈 切開入面都有幾多沙嗲牛肉㗎，冇諗過原來沙嗲牛肉配西多士個味道都咁夾🫢餐肉炒蛋熱香餅漢堡見到2:30後餐廳有供應埋熱香餅，一於嗌一份試吓佢，熱香餅有兩種餡料，一種係招牌嘅沙嗲牛肉，另一款就係我嗌嘅呢個餐肉炒蛋🥚 熱香餅漢堡總共有五層，有三層熱香餅，中間隔住一層炒蛋同埋一層餐肉，所以勁厚身🥞 呢個熱香餅可以加埋糖漿食，甜甜哋幾易入口🍯飲品♦️阿華田脆脆火山呢個係我兒時最愛嘅飲品，底下係凍嘅阿華田，配上上面嘅阿華田脆脆，咁落口濃郁得來又增加口感。♦️奶茶紅豆冰椰汁紅豆冰就見得多，餐廳特別提供奶茶底嘅紅豆冰，整個體驗好新奇，入面有大量紅豆，但係味道唔會太甜🫘♦️金牌奶茶個人認為茶記最值錢嘅嘢係佢嘅奶茶，可以嘆返杯正嘅奶茶，真係人生一大樂事☕️ 呢度嘅茶底香濃，加埋入口順滑嘅奶，真係唔錯。性價比嚟講，呢間餐廳真係好抵食，叫咗咁多樣嘢都唔駛$300蚊，夠晒3個人食個豐富晚餐啦🤔
continue reading