人生有限杯.串燒店

Open Now

Now Closed

老朋友心緊扣，約食串燒解憂愁，老朋友相約食串燒，揀咗旺角人生有限杯.串燒店，加上店舖裝修環境確係有點意境。店員有禮介紹新的餐單推出各款嶄新、獨特的風味菜式且價錢亦為親民化，啱晒我地吃貨一族。不經不覺一邊食一邊傾，我們都點了很多款式，豬牛雞串當然係必須，肉的醃製，燒烤掌握得好好，我個人而言沒有加任何調味料已覺得相當好食。焦糖菠蘿鵝肝醬多士一份兩件超脆多士上放鵝肝醬加焦糖菠蘿，菠蘿清甜，鵝肝醬嫩滑，呢個配搭的確好正。墨魚滑＋紫菜＋大蝦我叫佢炸蝦墨魚卷，紫菜包住大蝦、蝦膠、墨魚膠脆炸，外皮又脆，中間有彈性鮮味十足，真係好好食。港式蜜糖多士夾雪糕搽滿蜜糖嘅多士，中間夾冰凍雪糕，未食過多士可以咁脆，一定要夾住雪糕食，一啖咬落去嗰種滿足感非筆墨可形容。隨著食雪糕而完美結束的一次聚會，因為呢間串燒店，已經計劃相約更多朋友下一次見面。