新釗記 (Closed)

正確D講，其實我見到呢間舖頭嘅門面，我真係冇乜心機想入去，但係鬼叫我個friend話想食斑腩炒河，而附近又冇乜茶餐廳，於是乎我就恃住佢係老字號，膽粗粗咁入咗去。張餐牌又舊又污糟，真係唔想掂佢。等待途中，個侍應其實好好㗎，叫我坐低，仲拎咗杯茶俾我。我同佢講唔使，因為其實我手揸住一支果汁。佢都叫我坐低，飲杯熱茶。佢嘅服務係好好嘅(￣∇￣)菜遠斑腩炒河，其實算幾貴($69)。不過好彩我個friend話，其實佢炒得好用鑊氣，啲魚唔係一啲好淋嘅魚，係一啲實肉嘅。